Падзеі, факты, анонсы

Шаўчук заваявала золата юніёрскага першынства кантынента па барацьбе

5 ліпеня, Мінск /Кар. БЕЛТА/. Беларуска Аліна Шаўчук стала пераможцай чэмпіянату Еўропы па барацьбе сярод спартсменаў не старэйшых за 20 гадоў, які праходзіць у італьянскім Каарле, паведамляе карэспандэнт БЕЛТА.

Ураджэнка Бабруйска стала мацнейшай на кантыненце сярод равесніц у вагавой катэгорыі да 72 кілаграмаў. У Італіі Аліна адолела расіянку Крысціну Братчыкаву (10:0), венгерку Петру Мюлер (9:1) і ўкраінку Дар'ю Канстанцінаву (7:0), а ў паядынку за золата нанесла паражэнне Эльвіры Эрсан са Швецыі - 4:0.

Такім чынам, Шаўчук стала чэмпіёнкай Еўропы ў трох узроставых групах: год таму беларуска перамагла на турніры ў Азербайджане ў катэгорыі U23, а ў красавіку выйграла дарослы кантынентальны форум у Славакіі. Таксама на рахунку Аліны ёсць медалі юніёрскага і маладзёжнага пяршынстваў свету.

Пасля пяці дзён спаборніцтваў у Каарле ў актыве нашай каманды шэсць узнагарод - дзве залатыя, адна сярэбраная і тры бронзавыя. 5 і 6 ліпеня медалі чэмпіянату Еўропы-U20 па барацьбе разыграюць прадстаўнікі вольнага стылю.

версія для друку

зрабіць стартавай

дабавіць у выбранае