Падзеі, факты, анонсы

Сасновіч прабілася ў фінал кваліфікацыі турніру WTA-1000 у Цынцынаці

Фота з архiва

12 жніўня, Мінск /Кар. БЕЛТА/. Беларуская тэнісістка Аляксандра Сасновіч паспяхова пачала выступленне ў кваліфікацыі турніру катэгорыі WTA-1000 у амерыканскім Цынцынаці з прызавым фондам $3,2 млн, паведамляе карэспандэнт БЕЛТА.

У стартавым раўндзе беларуска адолела ў трохсэтавым паядынку кітайскую тэнісістку Сю Ван - 6:3, 1:6, 6:1. Сустрэча прадаўжалася роўна дзве гадзіны. У матчы за тое, каб трапіць у асноўную сетку Аляксандра Сасновіч сустрэнецца з прадстаўніцай Францыі Варварай Грачовай.

Без удзелу ў кваліфікацыі на кортах Цынцынаці выступяць дзве прадстаўніцы Беларусі. Вікторыя Азаранка ў паядынку 1/32 фіналу будзе спаборнічаць з Амандай Анісімавай з ЗША. У 2013 і 2020 гадах Азаранка станавілася пераможцай гэтых спаборніцтваў. Арына Сабаленка пачне цяперашні турнір з другога раўнда. У мінулым годзе турнір выйграла амерыканка Коры Гаўф.-0-

версія для друку

зрабіць стартавай

дабавіць у выбранае