Падзеі, факты, анонсы

Сабаленка выйшла ў 1/4 фіналу турніру WTA-1000 у Індыян-Уэлсе

Арына Сабаленка. Фота Сіньхуа

13 сакавіка, Мінск /Кар. БЕЛТА/. Беларуская тэнісістка Арына Сабаленка выйшла ў чвэрцьфінал турніру WTA-1000 у амерыканскім Індыян-Уэлсе з прызавым фондам $8,9 млн, паведамляе карэспандэнт БЕЛТА.

Мінулай ноччу першая ракетка планеты сустракалася ў 1/8 фіналу з брытанскай тэнісісткай Санай Картал (83-і нумар сусветнага рэйтынгу) і без праблем атрымала перамогу - 6:1, 6:2. Паядынак прадаўжаўся 1 гадзіну 11 мінут. У матчы за выхад у паўфінал саперніцай Сабаленка будзе расіянка Людміла Самсонава (25). Да гэтага беларуска абыграла амерыканку Макартні Кеслер (48) - 7:6 (7:4), 6:3 і італьянку Лючыю Бранцэці (62) - 6:1, 6:2. У 2023 годзе Арына Сабаленка дабралася да фіналу гэтага турніру, дзе ўступіла прадстаўніцы Казахстана Алене Рыбакінай.

Сёння вечарам пачнуцца чвэрцьфінальныя паядынкі. У першым з іх дзеючая пераможца гэтых спаборніцтваў другі нумар сусветнага рэйтынгу полька Іга Свёнтак сустрэнецца з кітаянкай Чжэн Цыньвэнь (9), якая ў другім раўндзе выйграла ў беларускай тэнісісткі Вікторыі Азаранка (35).

версія для друку

зрабіць стартавай

дабавіць у выбранае