Падзеі, факты, анонсы

Сабаленка выйшла ў 1/16 фіналу турніру WTA-1000 у Мадрыдзе

25 красавіка, Мінск /Кар. БЕЛТА/. Беларуская тэнісістка Арына Сабаленка выйшла ў трэці круг турніру WTA-1000 Mutua Madrid Open з прызавым фондам 7,8 млн еўра, паведамляе карэспандэнт БЕЛТА.

Сёння ў 1/32 фіналу першая ракетка планеты сустракалася з расіянкай Ганнай Блінковай, якая знаходзіцца на 76-й пазіцыі ў сусветным рэйтынгу, і выйграла ў двух сэтах - 6:3, 6:4. У трэцім крузе саперніцай беларускі будзе пераможца паядынку паміж бельгійкай Элізэ Мертэнс (26-ы нумар рэйтынгу WTA) і калумбійкай Марыяй Асорыа (51). У 2021 і 2023 гадах Сабаленка станавілася чэмпіёнкай гэтых спаборніцтваў, а год таму ўступіла ў вырашальным матчы польскай тэнісістцы Ізе Свёнтак.

На старце парнага разраду беларуска Вікторыя Азаранка і амерыканка Эшлін Кругер перамаглі нідэрландска-амерыканскі тандэм Дэмі Схюрс / Эйжа Мухамад - 6:4, 6:4, а ў другім раўндзе сустрэнуцца з расійска-амерыканскім дуэтам Кацярына Аляксандрава / Пейтан Стэрнс. У 1/64 фіналу адзіночнага разраду Вікторыя Азаранка прайграла сербскай тэнісістцы Вользе Данілавіч - 4:6, 2:6.

Цяперашні мадрыдскі турнір завершыцца 4 мая, яго пераможца атрымае 985 тыс. еўра і 1000 рэйтынгавых ачкоў.

версія для друку

зрабіць стартавай

дабавіць у выбранае