Падзеі, факты, анонсы

Сабаленка выйграла другі матч на адкрытым чэмпіянаце ЗША па тэнісе

Арына Сабаленка. Фота НАК

3 верасня, Мінск /Кар. БЕЛТА/. Лідар сусветнага рэйтынгу беларуска Арына Сабаленка атрымала другую перамогу на адкрытым чэмпіянаце ЗША па тэнісе, заключным у сезоне турніры серыі "Вялікага шлема", паведамляе карэспандэнт БЕЛТА.

У матчы другога раўнда дзеючая чэмпіёнка US Open перамагла расійскую тэнісістку Паліну Яцэнка, якая займае 160-е месца ў рэйтынгу WTA, - 6:1, 6:1. Паядынак прадаўжаўся ўсяго 54 мінуты. У 1/64 фіналу Сабаленка перамагла калумбійку Камілу Асорыа (59-ы нумар сусветнага рэйтынгу) - 6:2, 6:4, а ў трэцім раўндзе будзе сапернічаць з узбекскай тэнісісткай Камілай Рахімавай (92).

Арына Сабаленка тры разы запар гуляла ў фінале амерыканскага першынства: у 2023 годзе яна ўступіла амерыканцы Коры Гаўф, а ў двух наступных вырашальных паядынках перамагла яшчэ дзвюх прадстаўніц ЗША - Джэсіку Пегулу і Аманду Анісімаву. У 2019 годзе Сабаленка і бельгійка Элізэ Мертэнс сталі пераможцамі ў парным разрадзе, перамогшы ў фінальным матчы беларуску Вікторыю Азаранка і аўстралійку Эшлі Барці. У адзіночным разрадзе Вікторыя Азаранка тройчы дабіралася да фіналу (2012, 2013, 2020), але заўсёды ўступала тытул саперніцам.

Асноўны этап US Open-2026 завершыцца ў Нью-Ёрку 13 верасня. Яго агульны прызавы фонд складае рэкордныя $108 млн, чэмпіёны ў мужчынскім і жаночым адзіночным разрадзе атрымаюць па $5,5 млн. Год таму пераможцам мужчынскага турніру стаў іспанскі тэнісіст Карлас Алькарас.

версія для друку

зрабіць стартавай

дабавіць у выбранае