Падзеі, факты, анонсы

Сабаленка першая, Свёнтак апусцілася на пятае месца ў рэйтынгу WTA

Фота НАК

19 мая, Мінск /Кар. БЕЛТА). Беларуска Арына Сабаленка прадаўжае ўзначальваць рэйтынг Жаночай тэніснай асацыяцыі (WTA), паведамляе карэспандэнт БЕЛТА.

Пасля заканчэння турніру ў Рыме, на якім Сабаленка дабралася да чвэрцьфіналу, у яе 10 683 ачкі. На другую пазіцыю паднялася фіналістка рымскага турніру Коры Гаўф, яе пераможца Ясмін Пааліні займае чацвёртае месца, а былы другі нумар сусветнага рэйтынгу Іга Свёнтак апусцілася на пяты радок. Беларуска Вікторыя Азаранка страціла адразу 19 пазіцый і знаходзіцца на 73-й пазіцыі, у Аляксандры Сасновіч 107-е месца

Першая дзясятка рэйтынгу WTA:

1. Арына Сабаленка (Беларусь) - 10 683 ачкі.
2. Коры Гаўф (ЗША) - 6863.
3. Джэсіка Пегула (ЗША) - 6243.
4. Ясмін Пааліні (Італія) - 5865.
5. Іга Свёнтак (Польшча) - 5838.
6. Міра Андрэева (Расія) - 4986.
7. Мэдзісан Кіз (ЗША) - 4674.
8. Чжэн Цыньвэнь (Кітай) - 4368.
9. Эма Навара (ЗША) - 3831.
10. Паўла Бадоса (Іспанія) - 3641.

На чале мужчынскага рэйтынгу знаходзіцца італьянскі тэнісіст Янік Сінер, які прайграў у фінале рымскага турніру іспанцу Карласу Алькарасу. Лепшы з беларускіх тэнісістаў Ягор Герасімаў займае 503-е месца.

Першая дзясятка рэйтынгу ATP:
 
1. Янік Сінер (Італія) - 10 380.
2. Карлас Алькарас (Іспанія) - 8850. 
3. Аляксандр Звераў (Германія) - 7285.
4. Тэйлар Фрыц (ЗША) - 4625.
5. Джэк Дрэйпер (Вялікабрытанія) - 4610.
6. Новак Джокавіч (Сербія) - 4080.
7. Каспер Рууд (Нарвегія) - 3905.
8. Ларэнца Музеці (Італія) - 3860.
9. Алекс дэ Мінаўр (Аўстралія) - 3635.
10. Хольгер Рунэ (Данія) - 3440.

версія для друку

зрабіць стартавай

дабавіць у выбранае