Падзеі, факты, анонсы

Сабаленка лідзіруе, Сасновіч і Азаранка па-за першай сотняй рэйтынгу WTA

19 жніўня, Мінск /Кар. БЕЛТА/. Беларуска Арына Сабаленка прадаўжае ўзначальваць рэйтынг Жаночай тэніснай асацыяцыі перад стартам апошняга ў сезоне турніру серыі "Вялікага шлема" - адкрытага чэмпіянату ЗША, паведамляе карэспандэнт БЕЛТА.

Пасля выхаду ў чвэрцьфінал турніру ў Цынцынаці ў актыве Сабаленка стала 11 225 ачкоў. На другую пазіцыю паднялася пераможца Cincinnati Open польская тэнісістка Іга Свёнтак, якая зрушыла на трэцяе месца амерыканку Коры Гаўф. Беларуская тэнісістка Аляксандра Сасновіч апусцілася на 121-ю пазіцыю, Вікторыя Азаранка таксама па-за топ-100 - яна займае 133-е месца.

Першая дзясятка рэйтынгу WTA:

1. Арына Сабаленка (Беларусь) - 11 225 ачкоў,
2. Іга Свёнтак (Польшча) - 7933,
3. Коры Гаўф (ЗША) - 7874,
4. Джэсіка Пегула (ЗША) - 4903,
5. Міра Андрэева (Расія) - 4733,
6. Мэдысан Кіз (ЗША) - 4699,
7. Чжэн Цыньвэнь (Кітай) - 4433,
8. Ясмін Пааліні (Італія) - 4116,
9. Аманда Анісімава (ЗША) - 3869,
10. Алена Рыбакіна (Казахстан) - 3663.

У мужчын упэўнена лідзіруе італьянскі тэнісіст Янік Сінер, другім ідзе іспанец Карлас Алькарас, прадстаўнік Германіі Аляксандр Звераў замыкае першую тройку. Лепшы з беларускіх тэнісістаў Эрык Аруцюнян знаходзіцца на 491-й пазіцыі.

Топ-10 рэйтынгу ATP:

1. Янік Сінер (Італія) - 11 480,
2. Карлас Алькарас (Іспанія) - 9590,
3. Аляксандр Звераў (Германія) - 6230,
4. Тэйлар Фрыц (ЗША) - 5575,
5. Джэк Дрэйпер (Вялікабрытанія) - 4440,
6. Бен Шэлтан (ЗША) - 4280,
7. Новак Джокавіч (Сербія) - 4130,
8. Алекс дэ Мінаўр (Аўстралія) - 3545,
9. Карэн Хачанаў (Расія) - 3240,
10. Ларэнца Музеці (Італія) - 3205.-0-

версія для друку

зрабіць стартавай

дабавіць у выбранае