Падзеі, факты, анонсы

Сабаленка чацвёрты раз згуляе ў фінале турніру WTA-1000 у Мадрыдзе

Фотa НAК Беларусi

2 мая, Мінск /Кар. БЕЛТА/. Беларуская тэнісістка Арына Сабаленка чацвёрты раз згуляе ў фінале турніру WTA-1000 Mutua Madrid Open з прызавым фондам 7,8 млн еўра, паведамляе карэспандэнт БЕЛТА.

У паўфінале першая ракетка планеты сустракалася з украінскай тэнісісткай Элінай Світолінай, якая займае 17-е месца ў сусветным рэйтынгу, і перамагла ў дзвюх партыях - 6:3, 7:5.

У вырашальным паядынку саперніцай беларускі стане амерыканка Коры Гаўф (4-ы нумар рэйтынгу WTA), якая разграміла ў першым паўфінале польку Ігу Свёнтак (2) - 6:1, 6:1.

У гэтым турніры Сабаленка абыграла расійскую тэнісістку Ганну Блінкову (76) - 6:3, 6:4, бельгійку Элізэ Мертэнс (28) - 3:6, 6:2, 6:1, амерыканку Пейтан Стэрнс (44) - 6:2, 6:4 і ўкраінку Марту Касцюк (24) - 7:6, 7:6. У 2021 і 2023 гадах Арына Сабаленка станавілася чэмпіёнкай гэтых спаборніцтваў, а год таму ўступіла ў вырашальным матчы Ізе Свёнтак.

Цяперашні турнір у іспанскай сталіцы завершыцца 4 мая, яго пераможца атрымае 985 тыс. еўра і 1000 рэйтынгавых ачкоў.

версія для друку

зрабіць стартавай

дабавіць у выбранае