Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

17 Mar 2020

СААЗ: абмежаванні на перамяшчэнне людзей і тавараў не з'яўляюцца эфектыўнай мерай у барацьбе з інфекцыямі

СААЗ: абмежаванні на перамяшчэнне людзей і тавараў не з'яўляюцца эфектыўнай мерай у барацьбе з інфекцыямі
Фота з архіва ТАСС

17 сакавіка, Мінск /Кар. БЕЛТА/. Сусветная арганізацыя аховы здароўя (СААЗ) лічыць, што ўвядзенне абмежаванняў на перамяшчэнне людзей і тавараў у перыяды надзвычайных сітуацый у галіне аховы здароўя ў большасці выпадкаў не з'яўляецца эфектыўнай мерай і можа адцягваць рэсурсы ад іншых мерапрыемстваў. Аб гэтым гаворыцца ў заяве краінавага офіса СААЗ у Беларусі наконт COVID-19, размешчанай на сайце Міністэрства аховы здароўя, паведамляе БЕЛТА.

Больш таго, абмежаванні могуць прыводзіць да збояў пры дастаўцы неабходнай дапамогі, парушаць дзейнасць суб'ектаў гаспадарання і мець негатыўныя сацыяльна-эканамічныя наступствы для закранутых імі краін.

На думку СААЗ, увядзенне значных абмежаванняў на міжнародныя перавозкі можа быць апраўдана ў пачатку ўспышкі, паколькі можа даць краінам неабходны час для аператыўнага прыняцця эфектыўных мер па забеспячэнні гатоўнасці. Сусветная арганізацыя падкрэслівае, што такія абмежаванні павінны ўводзіцца толькі на падставе ўважлівай ацэнкі рызыкі, быць суразмернымі рызыцы для здароўя насельніцтва, дзейнічаць непрацяглы час і рэгулярна пераглядацца па меры развіцця сітуацыі.

Разам з тым прадухіліць перадачу інфекцыі і выратаваць чалавечыя жыцці могуць актыўнае тэсціраванне, выяўленне выпадкаў і сачэнне за кантактамі ў спалучэнні з мерамі сацыяльнага дыстанцыравання, мабілізацыі  мясцовых супольнасцей і ўмацавання сістэм аховы здароўя.

У сувязі з гэтым СААЗ выказвае салідарнасць і падтрымку Беларусі ў рэалізацыі мер, што прымаюцца ёю цяпер для барацьбы з COVID-19. "Мы высока цэнім своечасовы і абгрунтаваны падыход сістэмы аховы здароўя Беларусі да гэтай надзвычайнай сітуацыі. Значныя намаганні і рэсурсы сістэмы аховы здароўя былі накіраваны на ранняе выяўленне выпадкаў заражэння COVID-19 з выкарыстаннем лабараторнай дыягностыкі, ізаляцыю, аказанне дапамогі пацыентам і сачэнне за кантактамі", - гаворыцца ў заяве. Пры гэтым у ёй падкрэсліваецца, што гэта ключавыя меры, рэкамендуемыя СААЗ, для таго, каб спыніць перадачу і прадухіліць распаўсюджванне каранавіруснай інфекцыі.

Арганізацыя таксама з удзячнасцю адзначае адкрытасць Беларусі ў абмене інфармацыяй па COVID-19 і своечасовае прадастаўленне справаздачнасці СААЗ у адпаведнасці з Міжнароднымі медыка-санітарнымі правіламі, што вельмі важна для каардынацыі намаганняў усіх краін у глабальным маштабе. "Мы з задавальненнем адзначаем рэгулярнае прадастаўленне Міністэрствам аховы здароўя Беларусі інфармацыі аб развіцці сітуацыі, рэкамендуемых мерах аховы і прымаемых мерах насельніцтву краіны", - гаворыцца ў заяве.

На гэтым этапе, пры адсутнасці ў краіне некантралюемай перадачы інфекцыі сярод насельніцтва, меры, якія прымаюцца Беларуссю, заснаваны на ацэнцы існуючых рызык і адпавядаюць рэкамендацыям СААЗ, падкрэслівае арганізацыя.

Разам з тым СААЗ вельмі заклапочана пагражальным і хуткім распаўсюджваннем каранавіруснай інфекцыі COVID-19 у свеце і звязаным з гэтым негатыўным сацыяльна-эканамічным уздзеяннем на грамадства і краіны. Таму арганізацыя заклікае ўсе краіны падрыхтаваць кадравыя рэсурсы і службы аховы здароўя да магчымага далейшага росту і распаўсюджвання COVID-19. Трэба быць гатовымі да рэагавання на розныя варыянты развіцця сітуацыі, беручы пад увагу, што ўніверсальнага падыходу не існуе. Сусветная арганізацыя заклікае ацэньваць узровень рызыкі, уведзеныя меры і прымальнасць гэтых мер для грамадства. Важна аператыўна праводзіць неабходныя мерапрыемствы ў адэкватным маштабе для спынення або зніжэння тэмпаў перадачы COVID-19 пры звядзенні да мінімуму эканамічных, грамадскіх і сацыяльных наступстваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі