У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Сак 2015

Рэспубліканская фотавыстаўка БЕЛТА "Перамога - адна на ўсіх" адкрылася ў Гомелі

11 сакавіка, Гомель /Валерый Сідорчык - БЕЛТА/. Рэспубліканская фотавыстаўка "Перамога - адна на ўсіх", падрыхтаваная Беларускім тэлеграфным агенцтвам, адкрылася ў Гомелі. У цырымоніі прынялі ўдзел ветэраны Вялікай Айчыннай вайны і працы, прадстаўнікі маладзёжных арганізацый абласнога цэнтра, перадае карэспандэнт БЕЛТА.

Экспазіцыя выстаўкі складаецца з 74 фатаграфій, прысвечаных Перамозе. Гэтыя работы - частка фотаздымкаў ваеннай тэматыкі з архіва БЕЛТА, у тым ліку вядомых ваенных карэспандэнтаў, а таксама малавядомыя кадры, якія занатавалі партызанскі быт. Значная частка экспанатаў прысвечана тэме вызвалення абласных гарадоў рэспублікі.

Выстаўка "Перамога - адна на ўсіх"Генеральны дырэктар БЕЛТА Дзмітрый Жук, які ўдзельнічаў у адкрыцці выстаўкі, сказаў у гутарцы з журналістамі, што галоўная ідэя праекта - нагадаць маладым пакаленням аб тым, як гэта было. "Бо мы павінны сёння рэальна разумець, што дзякуючы подзвігу салдат Вялікай Айчыннай вайны маем незалежную дзяржаву", - адзначыў ён.

Выстаўка "Перамога - адна на ўсіх" паказвае аўтарскі погляд з-за фотааб'ектыва на розныя бакі і перыяды вайны (франтавыя бітвы, работа ў тыле, партызанская і падпольная барацьба, акупацыя, вызваленне), якія абрамляюцца даваеннымі і пасляваеннымі здымкамі. "Мы стараліся падабраць менавіта тыя фатаграфіі, якія нясуць эмоцыі, якія дадуць магчымасць сённяшнім беларусам зразумець, што тады адбывалася ў краіне. Тут шмат фатаграфій перыяду пасляваеннага аднаўлення. Гэта зроблена для таго, каб мы рэальна маглі ацаніць тое, што сёння маем", - сказаў кіраўнік БЕЛТА.

Выстаўка "Перамога - адна на ўсіх"Актуальнасць фотаработам надаюць і рэаліі сённяшніх дзён, улічваючы падзеі, што адбываюцца ва Украіне. "Мы павінны ўсё ж такі моцна задумацца аб тым, што стабільнасць і мір на зямлі - гэта вельмі важна і дорага", - канстатаваў Дзмітрый Жук.

У Гомелі выстаўка будзе працаваць з 11 па 17 сакавіка. Затым яна пабывае ва ўсіх абласных цэнтрах, а напярэдадні Дня Перамогі вернецца ў сталіцу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс