Падзеі, факты, анонсы

Рэспубліканская акцыя "Вандруй. Адчуй. Натхняйся" стартуе 6 чэрвеня

Фота з архiва

30 мая, Мінск /Кар. БЕЛТА/. Рэспубліканская акцыя "Вандруй. Адчуй. Натхняйся" для папулярызацыі ўнутранага турызму пройдзе з 6 па 12 чэрвеня. Аб гэтым паведамілі БЕЛТА ў Нацыянальным агенцтве па турызме.

У акцыі прымуць удзел турыстычныя аб'екты ўсіх абласцей Беларусі: аграэкасядзібы, установы культуры, адукацыі, аб'екты харчавання і пражывання, санаторна-курортныя ўстановы, турыстычныя комплексы, экалагічныя паркі, заказнікі, мастацкія і карцінныя галерэі, вытворчыя прадпрыемствы, спартыўныя ўстановы, фізічныя асобы і многія іншыя.

Гасцей чакае насычаная праграма: бясплатныя экскурсіі і квесты, дні адкрытых дзвярэй, майстар-класы, дэгустацыі страў нацыянальнай кухні, прэзентацыі паслуг і спецыяльныя прапановы.

Арганізатарамі рэспубліканскай акцыі "Вандруй. Адчуй. Натхняйся" выступаюць Міністэрства спорту і турызму і Нацыянальнае агенцтва па турызме.

версія для друку

зрабіць стартавай

дабавіць у выбранае