У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

21 Снж 2015

Расіянін Іван Папоў стаў чэмпіёнам Еўропы па хуткіх шахматах

21 снежня, Мінск /Кар. БЕЛТА/. У Мінску завяршыўся чэмпіянат Еўропы па хуткіх шахматах (рапідзе) і бліцы, які праходзіў у Палацы спорту. Першае месца ў турніры па хуткіх шахматах заняў расіянін Іван Папоў, паведамляе карэспандэнт БЕЛТА.

Пераможца набраў 10 балаў з 11 магчымых. Другое месца ў Гранта Мелкумяна з Арменіі (9,5 ачка). На трэцюю прыступку п'едэстала гонару ўзняўся ўкраінец Вадзім Разін (9 ачкоў).

Расіянін Іван Папоў стаў чэмпіёнам Еўропы па хуткіх шахматахСярод беларускіх майстроў шахмат самы высокі рэзультат у рапідзе паказаў Аляксей Фёдараў - 9-е месца.

На старце чэмпіянату Еўропы, турнір па бліцы выйграў азербайджанскі шахматыст Раўф Мамедаў. Ён набраў 18 ачкоў, столькі ж балаў на рахунку расіяніна Барыса Саўчанкі, але азербайджанскі шахматыст атрымаў на турніры на адну перамогу больш: дзевяць супраць васьмі ў сярэбранага прызёра. Трэцяе месца ў бліцы засталося таксама за прадстаўніком Расіі Аляксандрам Разанцавым - 17 ачкоў.

Лепшым сярод беларускіх шахматыстаў стаў гросмайстар Сяргей Жыгалка, які набраў 16 ачкоў і размясціўся на 12-м месцы падагульняючага пратакола.

Мінскі чэмпіянат Еўропы па хуткіх шахматах і бліцы стаў самым буйным турнірам для гэтага віду спорту ў Беларусі за апошнія 15 гадоў. У ходзе турніру Мінск наведаў кіраўнік міжнароднай шахматнай федэрацыі (ФІДЭ) Кірсан Ілюмжынаў, а таксама прэзідэнт Еўрапейскага шахматнага саюза Зураб Азмайпарашвілі, які на цырымоніі закрыцця падзякаваў за бездакорную арганізацыю турніру і адзначыў, што Беларусь у 2017 годзе мае высокія шанцы правесці асабісты чэмпіянат Еўропы сярод мужчын.

На чэмпіянат Еўропы ў Мінск прыехалі амаль 1 тыс. ігракоў з 31 краіны. Сярод іх - многія вядучыя шахматысты, якія ўваходзяць у першую сотню сусветнага рэйтынгу, удзельнікі і фіналісты чэмпіянатаў свету і Еўропы, кубкаў свету, матчаў і турніраў прэтэндэнтаў на сусветную шахматную карону.

Арганізатарамі чэмпіянату Еўропы выступілі Міністэрства спорту і турызму, Нацыянальны алімпійскі камітэт, Мінгарвыканкам, Беларуская федэрацыя шахмат.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску