У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

4 Стд 2018

Прэзідэнцкі аркестр выступіць з прывітаннем фестывалю "Студзеньскія музычныя вечары"

4 студзеня, Брэст /Святлана Вячорка - БЕЛТА/. Прэзідэнцкі аркестр Рэспублікі Беларусь выступіць з урачыстым прывітаннем ХХХ юбілейнаму міжнароднаму фестывалю класічнай музыкі "Студзеньскія музычныя вечары", паведаміла карэспандэнту БЕЛТА дырэктар, мастацкі кіраўнік і галоўны рэжысёр фестывалю, заслужаны дзеяч мастацтваў Лілія Батырева.

Заслужаны калектыў Беларусі ўпершыню прыме ўдзел у гэтым музычным форуме. Аркестр пад кіраўніцтвам галоўнага дырыжора Віктара Бабарыкіна выступіць 8 студзеня з праграмай "Музыка кіно".

У другім аддзяленні першага музычнага вечара сваёй віртуознай ігрой на фартэпіяна парадуе слухачоў народны артыст Беларусі прафесар Ігар Алоўнікаў. Даўні сябар фестывалю, ён амаль чвэрць стагоддзя ўдзельнічае ў "Студзеньскіх музычных вечарах". На гэты раз у выкананні маэстра прагучаць паланэз Шапэна і некалькі вальсаў. Таксама Ігар Алоўнікаў будзе акампаніраваць маладой опернай спявачцы з Кітая Гэлімен Чжу (сапрана). Яна выканае арыі з опер, кітайскія і беларускія песні. У канцэрце прыме ўдзел і заслужаная артыстка Украіны салістка Кіеўскага тэатра аперэты Саламія Прыймак, якая неаднаразова бывала на "Вечарах". У яе выкананні прагучаць арыя Сільвы з аднайменнай аперэты Імрэ Кальмана, украінскія песні.

ХХХ міжнародны фестываль класічнай музыкі "Студзеньскія музычныя вечары" пройдзе ў Брэсце па 12 студзеня. Удзельнікамі стануць амаль 500 музыкантаў з 13 краін. Усяго адбудзецца пяць вялікіх музычных вечароў і дзённы канцэрт у Брэсцкім музычным каледжы імя Р. Шырмы. Акрамя таго, артысты дадуць два выязныя канцэрты ў Жабінцы і Кобрыне.

У фестывальнай афішы адбыліся некаторыя змяненні. Так, 11 студзеня замест народнай артысткі СССР Ірыны Багачовай перад брэсцкай публікай упершыню выступіць заслужаны артыст Расіі саліст Маскоўскага музычнага тэатра імя К. Станіслаўскага і У. Неміровіча-Данчанкі бас Раман Улыбін.

У фестывалі прымуць удзел практычна ўсе вядучыя аркестры краіны. Так, пад заслону "Вечароў", 12 студзеня, упершыню на сцэне Брэсцкага акадэмічнага тэатра драмы выйдзе Нацыянальны акадэмічны канцэртны аркестр пад кіраўніцтвам народнага артыста Беларусі Міхаіла Фінберга. Праслаўлены калектыў падрыхтаваў джазова-эстрадную праграму.

Арганізатарамі форуму выступаюць Брэсцкія абласны і гарадскі выканаўчыя камітэты, Міністэрства культуры, Беларускі саюз музычных дзеячаў, Брэсцкае абласное музычнае таварыства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс