Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

6 Май 2022

Прэм'еру спектакля "Палескія Рабінзоны" прадставяць у музеі Якуба Коласа

Прэм'еру спектакля
Фота з архiва

6 мая, Мінск /Кар. БЕЛТА/. У Дзяржаўным літаратурна-мемарыяльным музеі Якуба Коласа 11 мая адбудзецца літаратурна-музычная акцыя "Капітан дзіцячых сноў". Аб гэтым БЕЛТА паведамілі ў прэс-службе ўстановы.

Акцыя прысвечана 139-годдзю з дня нараджэння пісьменніка Янкі Маўра. У ёй прымуць удзел сваякі пісьменніка і сваякі Якуба Коласа, а таксама адбудзецца прэм'ера літаратурна-музычнага спектакля "Палескія Рабінзоны" з удзелам прадстаўнікоў кінашколы-студыі Андрэя Палупанава і Рэспубліканскай гімназіі-каледжа пры Беларускай дзяржаўнай акадэміі музыкі.

Янка Маўр - аўтар апавяданняў і аповесцей для дзяцей і падлеткаў, адзін з заснавальнікаў беларускай дзіцячай літаратуры, заснавальнік прыгодніцкага і фантастычнага жанраў, стваральнік першага айчыннага фантастычнага апавядання. Ён сябраваў з класікам беларускай літаратуры Якубам Коласам. Абодва вучыліся ў настаўніцкіх семінарыях, прымалі ўдзел у настаўніцкім з'ездзе ў 1906 годзе. Маўр стаў прататыпам настаўніка Івана Тадорыка з трылогіі Якуба Коласа "На ростанях". У канчатковым выніку пісьменнікі сталі сваякамі: дачка Янкі Маўра Наталля выйшла замуж за сына Якуба Коласа Міхася. Наталля Іванаўна і Міхась Канстанцінавіч разам ужо амаль 65 гадоў. Разам яны працавалі над кнігай успамінаў Наталлі Міцкевіч "Доўгая дарога ад дома Янкі Маўра да дома Якуба Коласа".

Пачатак літаратурна-музычнай акцыі ў 14.00.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі