Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

20 Aug 2020

Прэм'ера п'есы драматурга Аляксандра Савухі пройдзе на сцэне Коласаўскага тэатра

Прэм'ера п'есы драматурга Аляксандра Савухі пройдзе на сцэне Коласаўскага тэатра
Фота з архiва

20 жніўня, Мінск /Кар. БЕЛТА/. Прэм'ера п'есы маладога беларускага драматурга Аляксандра Савухі "Метро" адбудзецца ў Нацыянальным акадэмічным драматычным тэатры імя Якуба Коласа ў час закрыцця тэатральнага сезона 20 і 21 жніўня. Аб гэтым БЕЛТА паведамілі ў тэатры.

Жанр спектакля - цёмная камедыя са святлом у канцы тунэлю. "Паспяховы бізнесмен Дзіма вымушаны ехаць на важную сустрэчу на метро. Перамяшчаючыся ў падземным свеце, ён разумее, што тут размешчаны цэлы горад, мегаполіс з дзевяццю кальцавымі. Герой хоча выбрацца наверх, вырвацца з палону, і дзеля гэтага гатовы на ўсё. Але як выйсці да святла, калі заблукаў пад зямлёй?" - расказалі пра пастаноўку.

Спектакль стаў рэжысёрскім дэбютам мастака-сцэнографа Андрэя Жыгура. Коласавец працуе ў тэатры з 2006 года, стварыў сцэнічнае афармленне звыш 20 спектакляў. З 2017 года ўваходзіць у склад Беларускага саюза мастакоў у секцыі тэатральных мастакоў. Прадстаўляў Беларусь на міжнародных маладзёжных тэатральных форумах краін СНД, Балтыі і Грузіі.

Спектакль пастаўлены за кошт сродкаў гранта, выйгранага тэатрам па выніках праведзенага Міністэрствам культуры конкурсу рэжысёрскіх эксплікацый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі