У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Кст 2018

Праект "Электронная школа" пачне працаваць ва ўсіх школах Беларусі ў бліжэйшыя 2-3 гады

Праект

19 кастрычніка, Мінск /Кар. БЕЛТА/. Праект "Электронная школа" пачне працаваць ва ўсіх установах агульнай сярэдняй адукацыі Беларусі ў бліжэйшыя 2-3 гады. Аб гэтым 18 кастрычніка журналістам паведаміў міністр адукацыі Ігар Карпенка, перадае карэспандэнт БЕЛТА.

"Абмяркоўваюцца пытанні фінансавання праграмы "Электронная школа" і яе ўкаранення ва ўсіх школах краіны. Іх у нас больш як 3 тыс. Гэта работа павінна быць праведзена ў межах бліжэйшых 2-3 гадоў", - сказаў Ігар Карпенка. Цяпер праект працуе ў форме эксперыменту. Да канца 2018 года ў сістэму "Электронная школа" ўвойдзе палавіна ўстаноў агульнай сярэдняй адукацыі.

У перспектыве плануецца ўсе ўстановы адукацыі краіны замкнуць у адзіную электронную сістэму з элементамі статыстычнага аналізу. "У нас ёсць канцэпцыя развіцця электроннага асяроддзя ў сістэме адукацыі, што павінна аб'яднаць усе ўстановы адукацыі ў адзіную сістэму, уключаючы дашкольную, агульную сярэднюю адукацыю, прафтэхі, сярэднія спецыяльныя навучальныя ўстановы, ВНУ. Па кожным узроўні будзе свая спецыфіка", - сказаў міністр. Так, для школ будзе створана адзіная платформа па электронным дзённіку і журнале. Аператарам выступіць Галоўны інфармацыйны аналітычны цэнтр Міністэрства адукацыі. "Мы рыхтуем серверную пляцоўку, у нас выдзелена сваё воблака для збору і захоўвання інфармацыі. Уласнікам усёй гэтай інфармацыі будзе Міністэрства адукацыі", - паведаміў Ігар Карпенка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс