Падзеі, факты, анонсы

Прадстаўнікі бізнес-колаў Беларусі наведаюць 20-26 жніўня ЗША

19 чэрвеня, Мінск /Кар. БЕЛТА/. Магілёўскае аддзяленне Беларускай гандлёва-прамысловай палаты арганізуе дзелавы візіт прадстаўнікоў беларускіх кампаній ў ЗША, які адбудзецца 20-26 жніўня, паведамілі карэспандэнту БЕЛТА ў Магілёўскім аддзяленні БелГПП.

Беларускія бізнесмены наведаюць Лос-Анджэлес штата Каліфорнія - другі па велічыні горад ЗША і адзін з буйнейшых эканамічных, культурных і фінансавых цэнтраў свету, а таксама Лас-Вегас штата Невада.

Мэта візіту - прэзентацыя беларускіх прадпрыемстваў і арганізацый патэнцыяльным партнёрам па бізнесу, пошук новых і ўмацаванне існуючых дзелавых кантактаў сярод амерыканскіх бізнесменаў, пашырэнне геаграфіі экспарту беларускай прадукцыі, наладжванне розных форм узаемавыгаднага супрацоўніцтва.

У гандлёва-прамысловай палаце адзначылі, што гэты дзелавы візіт у ЗША стане трэцім у бягучым годзе. Першая бізнес-паездка ў гэту краіну, арганізаваная Магілёўскім аддзяленнем БелГПП пры падтрымцы Міністэрства замежных спраў Беларусі, адбылася 28 студзеня - 5 лютага. Тады для беларускіх бізнесменаў былі арганізаваны прэзентацыі інвестыцыйных кампаній, банкаў, камерцыйнага дэпартамента, дэпартамента эканамічнага развіцця штата Нью-Джэрсі, Міжнароднага гандлёвага цэнтра ў Паўночным Нью-Джэрсі, юрыдычнай і лагістычнай кампаній ЗША. Акрамя таго, былі праведзены дзве кантактна-кааперацыйныя біржы паміж прадстаўнікамі беларускіх і амерыканскіх прадпрыемстваў.

Другі візіт у гарады Нью-Ёрк і Олбані адбыўся 14-25 мая. Прадстаўнікі беларускіх прадпрыемстваў мэблевай прамысловасці наведалі прэстыжную міжнародную выстаўку сучаснай мэблі International Contemporary Furniture Fair-2012, якая аб'яднала звыш 500 экспанентаў з усіх краін свету. Такім чынам, удзельнікі візіту змаглі ўстанавіць дзелавыя кантакты з вядучымі кампаніямі сусветнай мэблевай прамысловасці, дызайнерамі інтэр'ераў, архітэктарамі, аптовымі пастаўшчыкамі і вытворцамі мэблі. Прадстаўнікі дзелавых колаў Беларусі таксама прынялі ўдзел у семінары аб развіцці бізнесу паміж ЗША і краінамі СНД.

версія для друку

зрабіць стартавай

дабавіць у выбранае