У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

16 Ліп 2020

Прадстаўнікі 17 краін выступяць на дзіцячым конкурсе "Славянскага базару"

Прадстаўнікі 17 краін выступяць на дзіцячым конкурсе
Глеб Лапіцкі ў час прэс-канферэнцыі

16 ліпеня, Віцебск /Андрэй Шчарбіцкі - БЕЛТА/. Прадстаўнікі 17 краін выступяць на Міжнародным дзіцячым музычным конкурсе "Віцебск-2020" у час "Славянскага базару". Аб гэтым паведаміў на прэс-канферэнцыі дырэктар форуму, генеральны дырэктар Цэнтра культуры "Віцебск" Глеб Лапіцкі, перадае карэспандэнт БЕЛТА.

Глеб Лапіцкі адзначыў, што фестываль 29 гадоў з'яўляецца месцам любові і дружбы. Складаныя ўмовы форуму ў гэтым годзе паказалі, што такое дружба і сапраўдная любоў да мастацтва. Усе неабыякавыя людзі сёння ў Віцебску - гэта артысты, арганізатары, СМІ, госці форуму. "Чатыры дні будуць насычанымі, увесь горад будзе ў фармаце open air. Усё зроблена для таго, каб насыціцца станоўчымі эмоцыямі, па якіх мы сумавалі, - сказаў дырэктар. - У гэтым годзе юнакі і дзяўчаты з 17 краін свету выйдуць на сцэну каля канцэртнай залы "Віцебск", канкурсанты (Міжнароднага конкурсу выканаўцаў эстраднай песні "Віцебск-2020". - Заўвага БЕЛТА) з 14 дзяржаў паднімуцца на сцэну Летняга амфітэатра. Цяпер у іх ідуць рэпетыцыі".

Мэр Віцебска Вадзім Заранкін дадаў, што ён рады прадаўжэнню фестывальнай традыцыі. "Сёння зоркі з'ехаліся ў горад. Мы прыкладаем максімум намаганняў, каб у Віцебску было камфортна ўсім. З прыродай таксама паспрабавалі дамовіцца", - сказаў кіраўнік абласнога цэнтра. У дні "Славянскага базару" традыцыйна ідзе дождж, але пакуль прагнозы на бліжэйшыя дні спрыяльныя.

Сёння ў Летнім амфітэатры адбудзецца ўрачыстае адкрыццё XXIX Міжнароднага фестывалю мастацтваў "Славянскі базар у Віцебску". Пасля абеду загарыцца новая зорка на Плошчы лаўрэатаў каля Летняга амфітэатра. Тут атрымае імянную прапіску ўладальнік спецыяльнай узнагароды Прэзідэнта Беларусі "Праз мастацтва - да міру і ўзаемаразумення" Філіп Кіркораў.

XXIX Міжнародны фестываль мастацтваў "Славянскі базар у Віцебску" праходзіць з 16 па 19 ліпеня. Асноўнымі падзеямі форуму стануць Міжнародны конкурс выканаўцаў эстраднай песні "Віцебск-2020" і Міжнароды дзіцячы музычны конкурс "Віцебск-2020".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс