Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

24 Ліп 2017

Прадметы дэкаратыўна-прыкладнога мастацтва Індыі папоўняць калекцыю Нацыянальнага мастацкага музея

24 ліпеня, Мінск /Кар. БЕЛТА/. Прадметы традыцыйнага індыйскага мастацтва папоўняць калекцыю дэкаратыўна-прыкладнога мастацтва краін Усходу Нацыянальнага мастацкага музея Беларусі, паведамілі карэспандэнту БЕЛТА ў музеі.

Па ініцыятыве Надзвычайнага і Паўнамоцнага Пасла Індыі ў Беларусі Панкаджа Саксена ў калекцыю музея будуць перададзены два экспанаты. Урачыстая цырымонія пройдзе 26 ліпеня.

Які менавіта дар будзе паднесены галоўнаму музею краіны, індыйскае пасольства пакуль трымае ў тайне. Аднак памеры экспанатаў, іх мастацкая каштоўнасць і значнасць даюць магчымасць сцвярджаць, што іх з'яўленне ў пастаяннай экспазіцыі беларускага музея паслужыць развіццю цікавасці і ўзаемаразумення паміж дзвюма краінамі, адзначылі ў музеі.

Нацыянальны мастацкі музей Беларусі і пасольства Індыі звязвае шматгадовае плённае супрацоўніцтва. Індыйскае традыцыйнае мастацтва прадстаўлена ў пастаяннай экспазіцыі музея ў зале "Мастацтва краін Усходу".

Цырымонія будзе суправаджацца жывым гучаннем нацыянальнай музыкі Індыі ў выкананні беларускіх музыкантаў. Мерапрыемства прымеркавана да бясплатнага дня ў музеі, уваход свабодны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс