Падзеі, факты, анонсы

Плыўчыхі Шкурдай і Куляшова атрымалі перамогі на турніры ў Венгрыі

Настасся Шкурдай

15 снежня, Мінск /Кар. БЕЛТА/. Беларускія плыўчыхі Настасся Шкурдай і Настасся Куляшова атрымалі перамогі на турніры Gyor Open у Венгрыі, які з'яўляецца кваліфікацыйным да Алімпійскіх гульняў і чэмпіянату свету, паведамілі БЕЛТА ў прэс-службе НАК.

Настасся Шкурдай паказала лепшы рэзультат на дыстанцыі 200 м на спіне - 2:10,42 сек. На другой пазіцыі з практычна чатырохсекундным адставаннем фінішавала венгерка Каталін Бурыян, замкнула тройку прызёраў Лена Грабоўскі з Аўстрыі. У фінале на "стаметроўцы" батэрфляем не было роўных Настассі Куляшовай, яе рэзультат - 58,50 сек. Серабро і бронза ў венгерак Далмы Себасцьен і Ніколь Даванза.

15 снежня абедзве беларускі выступяць на дыстанцыях 50 м батэрфляем, таксама Шкурдай прыме ўдзел у заплыве на 400 м вольным стылем. Спаборніцтвы ў Дзьёры завершацца 16 снежня.

версія для друку

зрабіць стартавай

дабавіць у выбранае