У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

16 Стд 2019

Пілот "МАЗ-СПОРТаўта" Сяргей Вязовіч фінішаваў 3-м на восьмым этапе "Дакара"

Пілот
Фота з vk-акаўнту МАЗ-СПОРТаўта

16 студзеня, Мінск /Кар. БЕЛТА/. Пілот "МАЗ-СПОРТаўта" Сяргей Вязовіч заняў трэцяе месца на восьмым этапе ралі-рэйду "Дакар-2019" у Перу, паведамілі БЕЛТА на Мінскім аўтамабільным заводзе.

Лідар беларускай каманды затраціў на праходжанне дыстанцыі 5 гадз 1 мін. Пераможцам заезду стаў расіянін Дзмітрый Сотнікаў на КамАЗе, які быў хутчэйшы за МАЗ на 22 мін. Дзякуючы гэтаму поспеху Дзмітрый Сотнікаў узначаліў генеральную класіфікацыю, перамясціўшы на другое месца Эдуарда Нікалаева. Беларускі экіпаж Сяргея Вязовіча ідзе сёмым у заліку грузавікоў з адставаннем 6 гадзін 8 мін ад першага месца.

"Этап паміж гарадамі Маркона і Піска складаўся з двух участкаў: першы быў скорасным, другі ўключаў 200 км з дзюнамі. На адным з пясчаных спускаў крыху затрымаліся, але за тры мінуты справіліся. Следам за намі ехаў Эдуард Нікалаеў, які таксама затраціў час на адной з перашкод і, як аказалася, страціў 40 мін і лідарства ў генеральнай класіфікацыі. На сярэдзіне ўчастка ўбачылі экіпаж Iveco пад кіраўніцтвам галандца Жэрара дэ Роя, які затрымаўся на вяршыні дзюны. Прынялі рашэнне яго выцягнуць. У цэлым праехалі этап упэўнена. Цяпер наша мэта - вярнуцца ў пяцёрку лепшых экіпажаў пасля штрафу за пропуск кантрольнага этапу на папярэднім адрэзку гонкі", - сказаў Сяргей Вязовіч.

МАЗ іншага беларускага пілота Аляксандра Васілеўскага фінішаваў дзявятым - 5 гадз 38 мін. Такую ж пазіцыю адзін з самых вопытных пілотаў займае ў агульным заліку, прайграючы лідару гонкі 9 гадз 30 мін.

Экіпаж Аляксея Вішнеўскага пасля начоўкі ў пустыні змог даехаць да фінішу папярэдняга этапу ў адведзены час, аднак спазніўся на старт восьмага спецучастка. У выніку экіпаж будзе стартаваць з наступнага заезду.

Дзявяты этап пройдзе ў ваколіцах горада Піска. Пасля гоншчыкаў чакае спецучастак даўжынёй 311 км.

Ралі-рэйд "Дакар-2019" праходзіць па тэрыторыі Перу і завершыцца 17 студзеня ў Ліме. Гоншчыкам давядзецца праехаць каля 5 тыс. км. Большая частка маршруту пралягае праз пясчаныя трасы з дзюнамі і іншымі перашкодамі.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску