Падзеі, факты, анонсы

Пяціборцы Арол і Гурэева выйгралі серабро чэмпіянату свету ў міксце

Фота Мінспорту

25 жніўня, Мінск /Кар. БЕЛТА/. Беларускія спартсмены заваявалі другі медаль на чэмпіянаце свету па сучасным пяцібор'і ў кітайскім Гуяне, паведамляе карэспандэнт БЕЛТА.

Прызёрамі ў змешанай эстафеце сталі Яўген Арол і Віялета Гурэева. Спаборніцтвы прайшлі ў фармаце чатырохбор'я (плаванне, фехтаванне, лазер-ран), паласа перашкод была адменена з-за ўмоў надвор'я. У заключным відзе праграмы беларусы ішлі пятымі, але ў канцоўцы падняліся на другое месца, апярэдзіўшы на дзве секунды венграў Жомбара Тарканьі і Бланку Гузі. Перамогу з адрывам 18 секунд атрымалі Се Чанван і Сон Сенмін з Рэспублікі Карэя.

Раней нашы Марыя Гнедчык і Настасся Арол заваявалі золата ў жаночай эстафеце, а Уладзіслаў Несцераў і Уладзіслаў Мелказёраў замкнулі топ-5 у мужчынскай. 26 і 27 жніўня адбудуцца кваліфікацыйныя спаборніцтвы ў індывідуальных заліках, 28 і 29 жніўня пройдуць паўфіналы, асабістыя медалі чэмпіянату свету будуць разыграны ў Гуяне ў нядзелю.

версія для друку

зрабіць стартавай

дабавіць у выбранае