У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

2 Стд 2019

Першы матч Каляднага турніру хакейная каманда Прэзідэнта Беларусі згуляе са зборнай IIHF

Першы матч Каляднага турніру хакейная каманда Прэзідэнта Беларусі згуляе са зборнай IIHF

2 студзеня, Мінск /Кар. БЕЛТА/. Хакейная каманда кіраўніка дзяржавы Аляксандра Лукашэнкі першы матч XV Каляднага турніру аматараў хакея на прыз Прэзідэнта Беларусі правядзе 3 студзеня супраць зборнай Міжнароднай федэрацыі хакея (IIHF), паведамляе карэспандэнт БЕЛТА.

На лёдзе "Чыжоўка-Арэны" сапернікамі беларускай дружыны будуць вядомыя хакеісты з вопытам гульні ў НХЛ, чэмпіёны свету Андрэй Нікалішын і Дзмітрый Хрысціч. На наступны дзень, 4 студзеня, гаспадары турніру згуляюць са зборнай Балтыі. Сапернікі беларусаў заявілі аднаго з самых вядомых абаронцаў сусветнага хакея, які згуляў больш за 1 тыс. матчаў у НХЛ, - літоўца Дайнюса Зубруса.

Хакейная каманда Прэзідэнта Беларусі да маючага адбыцца міжнароднага турніру правяла падрыхтоўку, удзельнічаючы ў XII Рэспубліканскіх спаборніцтвах сярод аматарскіх каманд, дзе лідзіруе ў турнірнай табліцы з чатырма перамогамі.

На папярэдняй стадыі Каляднага турніру 12 каманд падзелены на чатыры групы па тры зборныя. Пераможцы груп выйдуць у паўфінал турніру.

Разам з дарослымі з 3 па 7 студзеня ў "Чыжоўка-Арэне" на малой лядовай арэне будуць вызначаць мацнейшых і юныя хакеісты рэспубліканскіх спаборніцтваў "Залатая шайба" ў старэйшай узроставай групе. Восем каманд (шэсць з абласцей і дзве з Мінска) паспаборнічаюць за званне лепшай. Фінал "Залатой шайбы" таксама адбудзецца 7 студзеня на малой пляцоўцы "Чыжоўка-Арэны".

Вядомыя ігракі Дайнюс Зубрус, Андрэй Нікалішын, Дзмітрый Хрысціч, Іван Навасельцаў 6 студзеня правядуць майстар-клас для ўдзельнікаў "Залатой шайбы". У Нацыянальным алімпійскім камітэце 4 студзеня адбудзецца таксама Калядны хакейны форум, на якім эксперты абмяркуюць развіццё гэтага віду спорту ў свеце, а 5 студзеня прадстаўнікі каманд прымуць удзел у дабрачыннай акцыі і наведаюць дзіцячы дом нумар 7 "Сем Я" ў Мінску. Установе пералічана ўжо дапамога ў памеры Br32 тыс. Арганізатарамі гэтай акцыі выступаюць Прэзідэнцкі спартыўны клуб і Федэрацыя хакея Беларусі.

Найбольшая колькасць тытулаў пераможца Каляднага турніру аматараў хакея - у актыве каманды Прэзідэнта Беларусі, якая 11 разоў станавілася трыумфатарам гэтых спаборніцтваў (2005, 2006, 2008, 2009, 2010, 2012, 2013, 2014, 2016, 2017, 2018), тройчы поспех святкавала расійская дружына (2007, 2011, 2015).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс