У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

29 Сак 2017

Першая персанальная мастацкая выстава адкрылася ў Палацы Незалежнасці ў Мінску

Першая персанальная мастацкая выстава адкрылася ў Палацы Незалежнасці ў Мінску29 сакавіка, Мінск /Аліна Грышкевіч - БЕЛТА/. Першая персанальная мастацкая выстава адкрылася 29 сакавіка ў Палацы Незалежнасці ў Мінску, перадае карэспандэнт БЕЛТА.

Пейзажыста Валерыя Шкарубу не назавеш дэбютантам - ён аўтар шматлікіх выстаў, лаўрэат Дзяржаўнай прэміі Беларусі, заслужаны дзеяч мастацтваў Беларусі. Тым не менш, на гэты раз ён стаў дэбютантам, паколькі менавіта яго экспазіцыя адкрывае новую традыцыю прэзентацый нацыянальнага мастацтва і творчасці ў Палацы Незалежнасці, які практычна штодзённа прымае высокіх гасцей з усяго свету і дзе праходзяць перагаворы на вышэйшым узроўні. Беларускую прыгажосць, увасобленую ў архітэктуры, дызайне, інтэр'еры палаца, убачылі ў многіх дзяржавах дзякуючы тэлевізійным кадрам са знакамітай сустрэчы "нармандскай чацвёркі". Здаецца, гэта старонкі, якія ўжо сталі гісторыяй - гісторыяй беларускай дзяржаўнасці, незалежнасці, нацыянальнага менталітэту жыць з усімі ў міры і ўсім дапамагаць захоўваць гэты мір.

Першая персанальная мастацкая выстава адкрылася ў Палацы Незалежнасці ў МінскуПалац Незалежнасці - гэта не проста рабочая рэзідэнцыя Прэзідэнта Беларусі, але і тое месца, дзе замежныя лідары знаёмяцца з культурай, гісторыяй, традыцыямі беларускага народа. Зразумела, што асноўнай мэтай высокіх візітаў з'яўляюцца палітычныя перагаворы, эканамічныя перспектывы, а зусім не знаёмства з культурным складнікам. Але адназначна можна сказаць, што менавіта культура збліжае ўсіх людзей, яна дае магчымасць зразумець, усвядоміць многае з таго, што потым можа стаць асновай палітычных рашэнняў. Хто ведае, можа нашы нацыянальныя матывы, у якіх схаваны сакральны сэнс, таксама нябачна спадарожнічалі няпростым рашэнням, якія прымаліся той ноччу лідарамі "нармандскай чацвёркі". Але гэта, як кажуць, лірычнае адступленне і асабістае меркаванне аўтара.

Першая персанальная мастацкая выстава адкрылася ў Палацы Незалежнасці ў МінскуПрэзентацыя выставы Валерыя Шкарубы прайшла ў вельмі незвычайнай, цёплай абстаноўцы - гэта было адкрыццё экспазіцыі і адначасова знаёмства прадстаўнікоў творчай інтэлігенцыі краіны з Палацам Незалежнасці. Дарэчы, у іх ліку былі і тыя мастакі, дызайнеры, архітэктары, якія самі ўдзельнічалі ў стварэнні гэтага статуснага збудавання і прыўнеслі сюды свае творчыя ідэі.

Першая персанальная мастацкая выстава адкрылася ў Палацы Незалежнасці ў МінскуВалерый Шкаруба - выдатны беларускі мастак. Яго творчасць вядома не толькі ў Беларусі, але і за мяжой. Работы беларускага майстра знаходзяцца ў Нацыянальным мастацкім музеі, Музеі сучаснага мастацтва, а таксама ў замежных галерэях. У сваёй творчасці ён развівае традыцыі рэалістычнага мастацтва. Карціны выкананы на высокім прафесійным узроўні, у іх спалучаецца тонкасць паэтычнага ўспрымання прыроды з глыбокім лірыка-філасофскім зместам. Кожны твор - своеасаблівы гімн прыродзе Беларусі.

У экспазіцыі Валерый Шкаруба прадставіў 15 жывапісных твораў з беларускімі пейзажамі. На ўсіх работах беларуская прырода, у якую мастак такі ўлюбёны. Прычым піша ён выключна беларускія пейзажы. Дзіўна, але ў яго творах няма яркіх, сакавітых колераў вясны і лета, а ў асноўным паказана ранняя вясна, яшчэ не кранутая прыгажосцю прыроды, што абуджаецца, а таксама позняя восень, якая ўжо страціла яркасць успрымання. Як прызнаецца майстар, такія строгія тоны карцін - гэта яго стан душы, які выліваецца на палотны. Дарэчы, у маштабах палаца карціны зайгралі па-іншаму, чым у майстэрні мастака. Яны сталі іншымі. І разам з тым вельмі арганічна ўпісаліся ў інтэр'ер. З карцінамі ўжо азнаёміліся замежныя госці, з якімі ў гэты дні праводзіў перагаворы Аляксандр Лукашэнка.

Старшыня Беларускага саюза мастакоў Рыгор Сітніца, творчасць якога таксама адлюстравана ў інтэр'еры Палаца Незалежнасці, у час прэзентацыі экспазіцыі сказаў: "Найлепшая дыпламатыя - гэта мастацтва. Часам мастацтва хутчэй пракладвае шлях, чым дыпламатыя і палітыка. Таму, чым больш выставачных пляцовак, тым лепш, і тым больш у такім статусным месцы, дзе бывае шмат замежных высокапастаўленых гасцей. Выстава - гэта выдатная падзея, што знойдзе сваё развіццё ў новых мастацкіх праектах у сценах Палаца Незалежнасці".

У Палацы Незалежнасці прадстаўнікі творчай інтэлігенцыі азнаёміліся з заламі, у якіх праходзяць мерапрыемствы на вышэйшым узроўні. Што характэрна, тут адлюстравана ўся разнастайнасць беларускіх матываў, нацыянальныя сімвалы і адпаведна - творчасць беларускіх мастакоў, дызайнераў, майстроў народнай творчасці.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс