Падзеі, факты, анонсы
Папа Рымскі назначыў Габара Пінтэра паслом Ватыкана ў Беларусь
13 мая, Мінск /Кар. БЕЛТА/. Папа Рымскі Францыск назначыў Габара Пінтэра паслом Ватыкана ў Беларусь - апостальскім нунцыем, гаворыцца на сайце Рымска-каталіцкай царквы (РКЦ) у Беларусі, паведамляе БЕЛТА.
"Яго Святасць Папа Францыск назначыў Габара Пінтэра, які да гэтага займаў пасаду саветніка Апостальскай нунцыятуры ў Аўстрыі, апостальскім нунцыем у Рэспубліцы Беларусь", - сказана ў паведамленні на сайце.
Габар Пінтэр нарадзіўся 9 сакавіка 1964 года ў Венгрыі. Прэсвітэрскае пасвячэнне прыняў 11 чэрвеня 1988 года. На дыпламатычнай службе ў Ватыкане - з 1 ліпеня 1996 года. Раней ён працаваў у Гаіці, Балівіі, краінах Скандынавіі, Францыі, на Філіпінах і ў Аўстрыі. Валодае некалькімі мовамі: венгерскай, нямецкай, італьянскай, англійскай, французскай, іспанскай, шведскай, крэольскай і рускай.
версія для друку
зрабіць стартавай
дабавіць у выбранае