Падзеі, факты, анонсы
НББ падрыхтавала кніжную выстаўку да Дня біялагічнай разнастайнасці
Фота з архiва
15 мая, Мінск /Ганна Сініцкая - БЕЛТА/. Нацыянальная бібліятэка падрыхтавала віртуальную кніжную выстаўку "Захаванне біялагічнай разнастайнасці: праблемы, задачы, перспектывы", паведамілі БЕЛТА ў НББ.
"Выстаўка прысвечана Міжнароднаму дню біялагічнай разнастайнасці. Яна азнаёміць карыстальнікаў з матэрыяламі па заканадаўстве ў сферы захавання біяразнастайнасці, дакладамі і аглядамі ААН і іншых міжнародных арганізацый, матэрыяламі даследаванняў па вывучэнні і ахове біяразнастайнасці, нацыянальнымі дакладамі і ацэнкамі рэзультатыўнасці экалагічнай дзейнасці ў Беларусі. Таксама на нашым партале размешчана літаратура, у якой прадастаўлена інфармацыя аб адносінах чалавека і прыроды, задачах у сферы захавання знікаючых відаў флоры і фаўны", - расказалі ў НББ.
На віртуальнай выстаўцы прадстаўлена 65 дакументаў з фондаў бібліятэкі на рускай і англійскай мовах: кнігі, брашуры, буклеты. Гэтыя дакументы дапамогуць прыцягнуць увагу людзей да сусветнай праблемы захавання біяразнастайнасці, паглыбіць разуменне пытанняў яе вывучэння і выкарыстання, а таксама павысіць дасведчанасць аб экалагічнай абстаноўцы на планеце. Кніжная выстаўка будзе цікава студэнтам і аспірантам экалагічных, біялагічных і геаграфічных спецыяльнасцей, спецыялістам у галіне прыродакарыстання і аховы навакольнага асяроддзя, навуковым работнікам, а таксама ўсім, хто цікавіцца гэтай тэматыкай.
Міжнародны дзень біялагічнай разнастайнасці быў абвешчаны Генеральнай асамблеяй ААН 20 снежня 2000 года і кожны год адзначаецца 22 мая - у дзень прыняцця ўзгодненага тэксту Канвенцыі аб біялагічнай разнастайнасці. Канвенцыя ўяўляе сабой міжнародны прававы дакумент, які ратыфікаваны 196 краінамі. Галоўная задача - звярнуць увагу грамадскасці на праблему незваротнага знікнення многіх прадстаўнікоў флоры і фаўны і яшчэ раз нагадаць усёй сусветнай супольнасці аб неабходнасці прыняцця тэрміновых і рашучых мер для захавання экасістэм і біяразнастайнасці на міжнародным, нацыянальным і мясцовым узроўнях.
версія для друку
зрабіць стартавай
дабавіць у выбранае