Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

1 Mar 2018

НАН Беларусі аб'явіла конкурс "Электрамабіль"

1 сакавіка, Мінск /Кар. БЕЛТА/. Нацыянальная акадэмія навук Беларусі аб'явіла конкурс "Электрамабіль", паведамілі БЕЛТА ў прэс-службе НАН.

Асноўнай задачай конкурсу з'яўляецца стымуляванне інтэлектуальнай і інавацыйнай дзейнасці ў стварэнні новых тэхналогій для электратранспарту, што ўяўляюць практычны інтарэс, а таксама матывацыі ініцыятыў і творчай думкі, уключэнне шырока кола вынаходнікаў у праект па стварэнні электрамабіля.

Да ўдзелу ў конкурсе запрашаюцца аўтары або калектывы аўтараў. Заяўка павінна быць прадстаўлена з паметкай "На конкурс "Электрамабіль" на папяровым носьбіце на адрас Аб'яднанага інстытута машынабудавання Нацыянальнай акадэміі навук і ў электронным выглядзе ў форме Word Document (не больш за 10 старонак фармату А4) з прэзентацыяй у форме Power Point Presentation (не больш за 10 слайдаў) на e-mail bats@ncpmm.bas-net.by.

Заяўкі на конкурс падаюцца да 15 кастрычніка конкурснага года. Конкурс праводзіцца ў тры этапы. Першы - інфармаванне патэнцыяльных удзельнікаў аб правядзенні конкурсу, прыём заявак у АІМ НАН, другі этап - адбор заявак экспертным саветам па меры іх паступлення. Трэці (фінальны) этап конкурсу - вызначэнне пераможцаў конкурсу на аснове рашэння экспертнага савета, унесенага да 1 снежня конкурснага года ў Бюро Прэзідыума НАН.

Адбор заявак на конкурс і ацэнку яго вынікаў будзе забяспечваць экспертны савет.

Пераможцы і прызёры конкурсу атрымаюць грашовыя ўзнагароды і дыпломы.

Інфармацыю аб прынятых заяўках, даце правядзення пасяджэнняў экспертнага савета і яго рашэннях можна будзе знайсці на сайце АІМ НАН Беларусі.

Плануецца, што конкурс "Электрамабіль" будзе праводзіцца на пастаяннай аснове.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі