Падзеі, факты, анонсы

23 сакавіка, Мінск /Кар. БЕЛТА/. Адзін з лідараў зборнай Беларусі па біятлоне Надзея Скардзіна прыме ўдзел у "Гонцы чэмпіёнаў" і ў спаборніцтвах "Прыз губернатара Цюменскай вобласці", паведамілі БЕЛТА ў Беларускай федэрацыі біятлона.

У турнірах, якія пройдуць 9-10 красавіка на стадыёне "Геолаг", прымуць удзел вядучыя біятланісты свету і вядомыя атлеты лыжнага спорту.

Арганізатары назвалі канчатковы склад удзельнікаў маючых адбыцца спаборніцтваў:

Антон Шыпулін, Яўген Гаранічаў, Іван Чэразаў (Расія), Мартэн Фуркад, Сімон Фуркад, Жан-Гіём Беатрыкс (Францыя), Уле Эйнар Б'ёрндален, Петэр Нортуг (Нарвегія), Сімон Шэмп (Германія), Федэрыка Пелегрына (Італія), Міхал Шлезінгр (Чэхія);

Настасся Загаруйка, Кацярына Юрлава (Расія), Габрыэла Соўкалава (Чэхія), Мары Дарэн Абер, Анаіс Бескон (Францыя), Даратэя Вірэр, Карын Оберхофер (Італія), Цірыл Экхаф (Нарвегія), Францыска Хільдэбранд (Германія), Надзея Скардзіна (Беларусь), Юстына Кавальчык (Польшча), Сціна Нільсан (Швецыя), Керту Нісканен (Фінляндыя).

У мінулым годзе ў Цюмені ў "Гонцы чэмпіёнаў" прымалі ўдзел дзве беларускі - Дар'я Домрачава, якая перамагла ў мас-старце, і Надзея Скардзіна.-