Падзеі, факты, анонсы

На выставе ў Бабруйску сабраны больш за 250 прадметаў чайнай цырымоніі

11 сакавіка, Магілёў /Кар. БЕЛТА/. Больш за 250 прадметаў чайнай цырымоніі прадстаўлены ў Бабруйску. Аб гэтым карэспандэнту БЕЛТА паведаміла метадыст па рабоце з дзецьмі бабруйскага Цэнтра правядзення вольнага часу і творчасці Ірына Сакалоўская.

Наведвальнікі выставы могуць убачыць у тым ліку кубкі з Японіі, Кітая, Егіпта, Германіі, Латвіі, Эстоніі, Францыі, Венгрыі, Азербайджана, Турцыі і іншых краін.

"Многія нават не падазраюць, якія сакрэты і таямніцы тоіць такі, здавалася б, просты прадмет посуду, як кубак, - упэўнена Ірына Сакалоўская. - Ён часта выкарыстоўваецца ў побыце для напіткаў, але ў некаторых краінах з кубкаў ядуць. Немалаважная і дэкаратыўная функцыя гэтага посуду, які ўпрыгожвае наш быт. Акрамя таго, ён нясе ў сабе гісторыю розных краін і культур".

Выстава будзе працаваць да канца сакавіка ў Цэнтры правядзення вольнага часу і творчасці Бабруйска.

версія для друку

зрабіць стартавай

дабавіць у выбранае