У Беларусь без візы на 30 дзён
Афіцыйны сайт Рэспублікі Беларусь
XXIX Міжнародны фестываль мастацтваў
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

4 Жнв 2015

На сустрэчу да лепельскага Цмока 8 жніўня прыедуць госці з Расіі, Кітая, Славакіі, Літвы і Латвіі

4 жніўня, Віцебск /Кацярына Князева - БЕЛТА/. Міжнародны фестываль "У госці да лепельскага Цмока", прысвечаны міфалогіі і самабытнасці, пройдзе 8 жніўня 2015 года. Аб мерапрыемстве карэспандэнту БЕЛТА паведаміла Віялета Грудская, дырэктар ТАА "РайдаТур", якое выступае суарганізатарам.

У незвычайным фестывалі прымуць удзел такія краіны, як Беларусь, Расія, Кітай, Славакія, Літва і Латвія. "Вобраз змеепадобнай міфічнай істоты аб'ядноўвае многія культуры, дзе ён прысутнічае як адзін са знакавых сімвалаў, які ахоўвае прыродныя багацці. Дракон часцей за ўсё быў агнядышным і звязаны з культам вадаёмаў. Ён мог выклікаць засуху або, наадварот, стаць апекуном сельскай гаспадаркі. Беднага, але шчодрага мог надзяліць скарбамі, а прагнага пакінуць без гроша. У беларусаў гэта Цмок, у літоўцаў - Айтварас, у палякаў - Вавельскі Цмок, у латышоў - Пукіс, у рускіх - Дракон (Змей Гарыныч)", - растлумачыла Віялета Грудская.

На фестывалі госці змогуць убачыць шматжанравыя выяўленні нацыянальнай, культурнай, моўнай і этнічнай самабытнасці беларусаў і іншых краін-удзельніц: пазнаёміцца з добрымі драконамі, даведацца пра шмат цікавых фактаў з беларускай міфалогіі, пра вераванні і звычаі, прыняць удзел у квест-гульні, інтэрактыўных праграмах, кулінарных майстар-класах ад гаспадароў беларускіх аграэкасядзіб і прадстаўнікоў знакамітага Літоўскага кірмашу Казюкаса. Умелец з Пастаў пракоціць на драўлянай ладдзі.

На свяце выступяць прафесійныя беларускія папулярныя этна-, фольк- і рок-музычныя калектывы "Стары Ольса", "Рокаш", "Вурай", Naka і замежныя госці Trio de Vilna (Вільнюс, Літва), студэнты Пекінскага аб'яднанага ўніверсітэта, якія выканаюць нацыянальныя кампазіцыі. Дзетак парадуе "Дзіцячы прыгорак", дзе яны сустрэнуцца з героямі народных казак і весела правядуць час на драўляных атракцыёнах.

У праграме фестывалю таксама прадугледжана "сустрэча без гальштукаў" прадстаўнікоў Нацыянальнага агенцтва па турызме, пасольстваў краін-удзельніц, прафесіяналаў туріндустрыі і зацікаўленых устаноў па тэме "Погляд па-новаму на шматузроўневы падыход да арганізацыі шматбаковага міжнароднага супрацоўніцтва ў сумесных культурных і турыстычных праектах".

"І паколькі Цмок з'яўляецца ахоўнікам прэснай вады, рэгулюе баланс вод зямных і нябесных, то арганізатары прыдумалі новы падыход у рэкламе санаторна-курортных устаноў Віцебшчыны, якія шырока выкарыстоўваюць крыніцы мінеральных вод з уласных свідравін. Іх прадстаўленне дасць магчымасць беларусам і гасцям з-за мяжы больш даведацца пра "золата", якое цячэ ракой пад нагамі, і яго гаючыя ўласцівасці. Разам з гэтым санаторыі будуць рэкламаваць свае лячэбныя праграмы", - дадала Віялета Грудская.

Арганізатарамі фестывалю выступаюць упраўленне спорту і турызму Віцебскага аблвыканкама, Лепельскі райвыканкам і інш.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс