Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Jun 2021

На гала-канцэрт фестывалю "Купалле" ў Александрыі плануюць прадаць каля 2,5 тыс. білетаў

На гала-канцэрт фестывалю
Фота з архiва

2 чэрвеня, Александрыя /Кар. БЕЛТА/. На фінальны канцэрт рэспубліканскага свята "Купалле" ("Александрыя збірае сяброў") плануюць рэалізаваць каля 2,5 тыс. білетаў. Аб гэтым у час пасяджэння пастаянна дзеючага арганізацыйнага камітэта па падрыхтоўцы і правядзенні свята "Купалле" ("Александрыя збірае сяброў") заявіў намеснік старшыні Магілёўскага аблвыканкама Валерый Малашка, перадае карэспандэнт БЕЛТА.

У час пасяджэння абмеркавалі і канцэпцыю будучага канцэрта. "Ідэя такая: за адным сталом збяруцца сябры, якія абмяркоўваюць такія важныя каштоўнасці, як сям'я, духоўнасць і любоў. Гучаць за сяброўскай гутаркай ужо любімыя ўсім песні. Музычнае суправаджэнне будзе сфарміравана зыходзячы з музычных запытаў жыхароў Александрыі. Яны змогуць пакінуць заяўку на выкананне сваёй любімай кампазіцыі. Акампанаваць салістам будзе аркестр народных інструментаў імя народнага артыста Беларусі Леаніда Іванова. Упершыню заслужаны калектыў будзе суправаджаць увесь гала-канцэрт. Галоўным яго рэжысёрам стане мастацкі кіраўнік Маладзёжнага тэатра эстрады Уладзіслава Арцюкоўская, - расказаў міністр культуры Анатоль Маркевіч. - Кожны нумар будзе суправаджацца харэаграфічнымі выступленнямі. Галоўная сцэна будзе ўяўляць сабой канструкцыю з паваротным экранам для больш хуткай змены дэкарацый. У бліжэйшы час пачнуцца рэпетыцыі гала-канцэрта. У цэлым падрыхтоўка ідзе ў штатным рэжыме".

На сцэне выступяць такія вядомыя артысты, як Алёна Ланская, Жанет, Ірына Дарафеева, група "Аўра", ансамблі "Песняры", "Бяседа", арт-група "Беларусы". Вядучыя свята - Паліна Шуба і Руслан Чарнецкі.

"Дыпламатычны корпус, замежныя госці з вялікай цеплынёй успамінаюць мерапрыемствы фестывалю "Купалле", запамінальны гала-канцэрт. Таму кожны год плануем укараніць і ўключыць у працэс падрыхтоўкі да свята нейкія новыя элементы, прадэманстраваўшы абрады, традыцыі. Задзейнічаем шырокае кола артыстаў не толькі ў гала-канцэрце. У гэтым годзе ўключаем тэатральны складнік. На свяце будуць працаваць дзве маладзёжныя пляцоўкі. Хочам, каб гэтыя лакацыі былі цікавыя маладзёжнай аўдыторыі, дзецям і іх бацькам. Тыя элементы, якія мы разам з калегамі спрабуем укараніць, павінны выклікаць станоўчыя ўражанні ў гасцей, - адзначыў Ігар Петрышэнка. - Хочам, каб фестываль не стаяў на месцы і прырастаў новымі ідэямі і праектамі, каб адкрывалі для сябе новых артыстаў і атрымлівалі задавальненне ад дэманстрацыі талентаў тых мэтраў, якія ёсць у нашым мастацтве. Гэты фестываль традыцыйна развівае наш нацыянальны складнік, прапагандуе традыцыі".

Білеты на рэспубліканскае свята "Купалле" паступілі ў продаж 17 мая.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі