У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Ліп 2016

На Аўгустоўскім канале 6-ы раз пройдзе аматарскі міжнародны веламарафон "Суседзі"

11 ліпеня, Гродна /Кар. БЕЛТА/. На 6-ы аматарскі міжнародны веламарафон "Суседзі", які пройдзе 16 ліпеня ў раёне Аўгустоўскага канала, паступіла больш за 300 заявак з трох краін, паведамілі БЕЛТА ў грамадскім аб'яднанні веласіпедыстаў "ВелаГродна".

"Прыняць удзел у веламарафоне можа любы жадаючы. Заезды будуць арганізаваны для розных па ступені падрыхтаванасці і ўзросце веласіпедыстаў", - адзначылі арганізатары мерапрыемства.

Для самых маленькіх веласіпедыстаў падрыхтавалі дзіцячы заезд. На дыстанцыі 200 м паспаборнічаюць дзеці ва ўзросце да 6 гадоў. Для навічкоў і дзяцей старэйшых размешчана дыстанцыя міні-марафону працягласцю 7 км. Самыя падрыхтаваныя могуць паспрабаваць свае сілы ў паўмарафоне або марафоне: даўжыня трас складзе 39 і 65 км адпаведна. Патрабаванняў для ўдзелу не шмат: наяўнасць веласіпеда, шлема і жадання.

"У параўнанні з папярэднімі гадамі трасы крыху змяніліся. Зрэшты, застаўся нязменным прынцып марафону: веласіпедысты праедуць па самых маляўнічых мясцінах у наваколлі Аўгустоўскага канала. Асфальту на маршруце будзе няшмат, праедуцца ўдзельнікі па лясных сцежках, пясчаных дарогах. Дзе-нідзе трэба будзе пераадолець невялікую водную перашкоду", - адзначылі ў грамадскім аб'яднанні "ВелаГродна".

Пакуль заяўкі на ўдзел падалі больш за 300 чалавек з Беларусі, Польшчы і Расіі. Зрэшты, зарэгістравацца можна будзе непасрэдна перад стартам. Таму арганізатары чакаюць, што на ўсе дыстанцыі сумарна выйдзе як мінімум у два разы больш веласіпедыстаў. У мінулым годзе, напрыклад, колькасць удзельнікаў перасягнула 800 чалавек.

Арганізатарамі спаборніцтваў выступаюць грамадскае аб'яднанне "ВелаГродна" і аддзел адукацыі, спорту і турызму Гродзенскага райвыканкама.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску