Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

30 Jun 2015

Міжнародны пленэр па кераміцы збярэ пад Бабруйскам мастакоў з 10 краін

30 чэрвеня, Магілёў /Сяргей Кулягін - БЕЛТА/. XIII Міжнародны пленэр па кераміцы "Арт-Жыжаль" пройдзе 9-31 ліпеня на базе адпачынку "Вербкі" пад Бабруйскам. Аб гэтым карэспандэнту БЕЛТА паведамілі ў гарадскім мастацкім музеі імя Георгія Паплаўскага.

Своеасаблівая інтэрнацыянальная майстэрня, дзе гліна дзякуючы абпалу ператвараецца ў сапраўдныя творы мастацтва, збярэ на гэты раз майстроў з 10 краін, у тым ліку ўпершыню чакаюцца мастакі з Японіі. "Кіраўніком і асноўным творчым натхняльнікам пленэру з'яўляецца вядомы бабруйскі мастак-кераміст Валерый Калтыгін. Менавіта дзякуючы яго нязгаснай энергіі нам удаецца збіраць прафесіяналаў з розных краін свету на беразе Бярэзіны і ствараць унікальныя творы, якія кожны год папаўняюць фонды нашага музея", - адзначылі субяседнікі.

У бягучым годзе прапануецца тэма сацыяльнай экалогіі "Чалавек у асяроддзі пражывання". Прапануецца ствараць насценныя аб'ёмныя пано ў тэхніцы пластыкі. Галоўных фігур на гэты раз плануецца дзве. Але якія менавіта, куратар пленэра Валерый Калтыгін пакуль трымае ў сакрэце. Выстава ўдзельнікаў свята керамікі адкрыецца 30 ліпеня ў гарадскім мастацкім музеі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі