VII Міжнародны маладзёжны тэатральны форум "М@rt.кантакт - 2012" праходзіць у Магілёве (21-27 сакавіка).
У форуме прымаюць удзел 17 тэатраў з васьмі краін. Сучасныя пастаноўкі для моладзі і пра моладзь на лепшых канцэртных пляцоўках Магілёва прадстаўляюць тэатры з Беларусі, Польшчы, Расіі, Ізраіля, Украіны, Славеніі, Літвы і Германіі. Упершыню паралельна з прафесійным міжнародным журы ацэньваць калектывы будзе і журы гледачоў.
У праграме форуму заяўлены самыя разнастайныя спектаклі, незвычайныя па форме падачы, наватарскія і арыгінальныя. Сярод пастановак - тры пластычныя.
Міжнародны тэатральны форум праводзіцца з 2006 года. За гэты час ён стаў адным з самых значных і чаканых культурных падзей у Беларусі. За гады работы на форуме было паказана 75 спектакляў з дзевяці краін, якія паглядзелі больш за 27 тыс. гледачоў.
Пн | Аўт | Сер | Чцв | Пт | Сб | Нядз |
---|