У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Кст 2017

Міжнародны конкурс стартапаў і бізнес-форум SU&IT 2017 пройдзе ў Мінску 21 кастрычніка

19 кастрычніка, Мінск /Кар. БЕЛТА/. Міжнародны конкурс стартапаў і бізнес-форум SU&IT 2017 пройдзе ў Мінску 21 кастрычніка, паведаміў сёння на прэс-канферэнцыі дырэктар дэпартамента па прадпрымальніцтве Міністэрства эканомікі Пётр Арушаньянц, перадае карэспандэнт БЕЛТА.

"Форум SU&IT 2017 накіраваны на падтрымку стартапаў. Калі ўсё атрымаецца добра, такія мерапрыемствы мы будзем праводзіць штогадова", - сказаў Пётр Арушаньянц.

Міжнародны конкурс стартапаў - некамерцыйны праект, які праводзіцца ўпершыню. Запрошаны госці з Расіі, Украіны, ЗША, Вялікабрытаніі, Ізраіля. У форуме прыме ўдзел каля 1 тыс. чалавек. "Асноўныя ўдзельнікі - прадстаўнікі IT-кампаній са сваімі стартапамі, інвестары, як класічныя, так і венчурныя. Будуць таксама дырэктары інфраструктурных аб'ектаў - бізнес-інкубатараў, тэхнапаркаў, Рэспубліканскага цэнтра трансферу тэхналогій, бізнес-школ і розных акселератараў", - дадаў дырэктар інкубатара малога прадпрымальніцтва ТАА "З намі будучыня" Ігар Саявец.

У час SU&IT 2017 запланаваны выступленні экспертаў, заснавальнікаў паспяховых кампаній, прэзентацыя стартапаў перад інвестарамі, будзе арганізавана пляцоўка для дзелавых кантактаў. На форуме прадставяць стартапы ў сферы адукацыі, аграрнай прамысловасці, выкарыстання штучнага інтэлекту ў медыцыне, а таксама прысвечаныя тэхналогіі блокчэйн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску