Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

5 Jun 2015

Міжнародны фестываль вулічнага мастацтва адбудзецца ў Гродне 27-28 чэрвеня

5 чэрвеня, Гродна /Кар. БЕЛТА/. Міжнародны фестываль вулічнага мастацтва адбудзецца ў Гродне 27-28 чэрвеня, паведамілі карэспандэнту БЕЛТА ў аддзеле ідэалагічнай работы, культуры і па справах моладзі Гродзенскага гарвыканкама.

У мерапрыемстве прымуць удзел эксперыментальныя тэатры з Мінска, Гомеля, Магілёва, Віцебска, Жлобіна, Баранавіч, Брэста, Ліды, Масквы, Санкт-Пецярбурга і Данецка. На некалькіх сцэнах у цэнтры горада ўдзельнікі прадставяць розныя напрамкі вулічнага мастацтва - будуць здзіўляць пантамімай, жывымі статуямі, фаер-шоу, яркай анімацыяй і ігрой музыкантаў.

Фестываль адкрые ўрачыстае шэсце, пасля якога на сцэне ў парку імя Жылібера адбудзецца канцэрт музыкантаў. У Швейцарскай даліне можна будзе акунуцца ў культуру рыцарства, заглянуўшы на пляцоўку аніматараў. А вечарам на пляцоўцы каля маладзёжнага цэнтра "Гродна" жыхары горада змогуць атрымаць асалоду ад выступленняў калектываў вогненнага шоу.

Шоу-праграма пачнецца а 16-й гадзіне 27 чэрвеня і завершыцца каля 01.00. У другі дзень удзельнікі фестывалю правядуць серыя арганізаваных майстар-класаў па пантаміме і фаер-шоу, а таксама адбудзецца рок-канцэрт на летняй сцэне ў гарадскім парку імя Жылібера.

Мерапрыемства праводзіцца пры падтрымцы Гродзенскага гарадскога выканаўчага камітэта, ДУ "Цэнтр культуры горада Гродна" і тэатра агню "Ergo Bibamus".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі