У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

14 Сак 2017

Міжнародны фестываль камернай музыкі пройдзе ў Полацку з 28 сакавіка па 27 красавіка

14 сакавіка, Віцебск /Алёна Ціханава - БЕЛТА/. XXX Міжнародны фестываль старадаўняй і сучаснай камернай музыкі пройдзе ў Полацку з 28 сакавіка па 27 красавіка, паведамілі БЕЛТА ў Нацыянальным Полацкім гісторыка-культурным музеі-запаведніку.

У праграме фестывалю, які традыцыйна праходзіць у канцэртнай зале Сафійскага сабора, 7 канцэртаў. Чакаюцца выступленні музыкантаў з Беларусі, Германіі, Італіі, Францыі, Аўстрыі, Польшчы і Бразіліі.

У час першай канцэртнай праграмы фестывалю адбудзецца адкрыццё II Дзіцячага фартэпіяннага конкурсу "Бах і XXI стагоддзе". Акрамя таго, 28 сакавіка ў канцэртнай зале Сафійскага сабора пройдзе і фартэпіянны канцэрт нямецкай піяністкі Герлінды Ота.

Урачыстае адкрыццё юбілейнага фестывалю адбудзецца 4 красавіка - у Полацку выступіць Дзяржаўны акадэмічны сімфанічны аркестр Беларусі (дырыжор - народны артыст Беларусі Аляксандр Анісімаў). У канцэрце - творы праслаўленых рускіх кампазітараў Пятра Чайкоўскага і Сяргея Рахманінава. 7 красавіка ў Полацку чакаюць міжнародны калектыў пад назвай Auner Quartett, у складзе якога музыканты з Аўстрыі, Бразіліі, Польшчы і Беларусі. Чацвёрты канцэрт фестывальнай праграмы называецца "Душа на кончыку смыка" - музыканты з Беларусі і Францыі выканаюць творы Роберта Шумана, Іаганеса Брамса, Морыса Равеля і інш. 20 красавіка ў Полацку будзе гучаць музыка вядомых італьянцаў Антоніа Вівальдзі і Джавані Пергалезі. У праграме таксама выступленне італьянскага арганіста Эўджэніа Марыя Фаджыяні і камернага аркестра "Еўропа-Цэнтр". На заканчэнне фестывалю 27 красавіка ў Сафійскім саборы з музыкай эпохі Адраджэння выступіць ансамбль старадаўняй музыкі The Playfords з Германіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс