У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

3 Май 2013

Міжнародная выстаўка "Галаграфія-2013. Гомель" адкрываецца ў палацы Румянцавых-Паскевічаў

3 мая, Гомель /Таццяна Болгава - БЕЛТА/. Міжнародная выстаўка мастацкіх галаграм "Галаграфія-2013. Гомель" адкрывае сёння дзверы шырокаму колу наведвальнікаў у палацы Румянцавых-Паскевічаў. Аб гэтым БЕЛТА расказалі ва ўстанове культуры.

У экспазіцыі амаль 100 мастацкіх галаграм з 15 краін, у тым ліку Беларусі, Вялікабрытаніі, Ізраіля, Канады, Кітая, Карэі, Літвы, Нідэрландаў, Расіі, Румыніі, ЗША і інш. Беларусь прадставяць работы галаграфічнай студыі "Магія святла" (Мінск), сярод якіх аб'ёмныя копіі праваслаўных святынь і музейных экспанатаў, а таксама канцэптуальныя арт-галаграмы.

На выстаўцы можна будзе ўбачыць усе асноўныя галаграфічныя тэхналогіі. "Галаграфія-2013. Гомель" з'яўляецца прадаўжэннем першай Сусветнай выстаўкі мастацкіх галаграм "Галаграфія-2011", якая з вялікім поспехам прайшла ў Мінску.

У 2012 годзе адбыліся яшчэ дзве выстаўкі - у Віцебску і Астане (Рэспубліка Казахстан). Для кожнай з іх экспазіцыя збіралася індывідуальна. Не стала выключэннем і выстаўка ў Гомелі: амаль трэць экспанатаў будуць паказаны ў Беларусі ўпершыню, у тым ліку вельмі цікавыя галаграмы з Вялікабрытаніі, Францыі і Літвы.

Старшынёй аргкамітэта выстаўкі з'яўляецца беларускі вучоны Л.Танін - заснавальнік мастацкай і ахоўнай галаграфіі ў Беларусі, акадэмік Міжнароднай інжынернай акадэміі, лаўрэат шэрага прэстыжных прэмій і ўзнагарод, старшыня савета дырэктараў ЗАТ "Галаграфічная індустрыя", старшыня навуковага савета ТАА "Магія святла".

Выстаўка дэманструе дасягненні Беларусі ў галіне высокіх тэхналогій, лазернай фізікі і галаграфіі, прыклады практычнага і інавацыйнага прымянення навукі.

Мастацкая галаграфія - гэта творчасць новага тысячагоддзя, якая існуе на стыку жывапісу, псіхалогіі і фізікі. Мастацкая галаграфія з'яўляецца найбольш эфектыўным спосабам адлюстравання трохмерных аб'ектаў на плоскай паверхні, што знаходзіць усё большае прымяненне ў мастацтве, рэкламе, музейнай справе, дызайне інтэр'ера, архітэктуры, картаграфіі, у адукацыйных праграмах і многіх іншых сферах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску