У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

8 Ліс 2017

Міжнароднае гуманітарнае права могуць пачаць вывучаць у беларускіх школах

8 лістапада, Мінск /Кар. БЕЛТА/. Міжнароднае гуманітарнае права могуць пачаць вывучаць у беларускіх школах. Аб гэтым паведаміў сёння журналістам міністр замежных спраў Беларусі Уладзімір Макей па выніках перагавораў з прэзідэнтам Міжнароднага камітэта Чырвонага Крыжа Петэрам Маўрэрам, перадае карэспандэнт БЕЛТА.

"Мы падвялі пэўныя вынікі і намецілі планы на будучае ў вывучэнні міжнароднага гуманітарнага права не толькі ў ВНУ, але і ў школах", - сказаў Уладзімір Макей.

Добрым прыкладам супрацоўніцтва ў гэтай сферы ён назваў праводзімы сёння ў Мінску рэгіянальны семінар Міжнароднага камітэта Чырвонага Крыжа па імплементацыі міжнароднага гуманітарнага права. "Правядзенне такіх семінараў стала ўжо для нас добрай традыцыяй. Гэта вельмі важна і патрэбна", - лічыць міністр.

Уладзімір Макей дадаў, што Петэр Маўрэр у час візіту таксама прачытае лекцыю па гуманітарных выкліках сучаснасці ў Беларускім дзяржаўным універсітэце. "З улікам яго велізарнага вопыту гэта будзе вельмі важна, карысна і патрэбна для нашых студэнтаў і выкладчыкаў", - адзначыў дыпламат.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс