У Беларусь без візы на 30 дзён
Афіцыйны сайт Рэспублікі Беларусь
XXIX Міжнародны фестываль мастацтваў
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

24 Снж 2015

Міжнароднае абазначэнне беларускага рубля змяняецца на BYN пасля дэнамінацыі

24 снежня, Мінск /Кар. БЕЛТА/. Вызначаны коды беларускага рубля пасля дэнамінацыі, паведамілі БЕЛТА ва ўпраўленні інфармацыі і грамадскіх сувязей Нацыянальнага банка Беларусі.

"Агенцтва па падтрымцы міжнароднага стандарту ІСО 4217 "Коды для прадстаўлення валют і фондаў" 18 снежня выпусціла папраўку нумар 161, у якой вызначаны новыя коды валюты дэнамінаванага беларускага рубля. Літарны код - BYN (дзе BY - код краіны згодна са стандартам ІСО3166, N - першая літара англійскага слова new - "новы", лічбавы код - 933", - растлумачылі спецыялісты.

Стандарт Міжнароднай арганізацыі па стандартызацыі ІСО 4217 устанаўлівае трохлітарныя алфавітныя і трохзначныя лічбавыя коды валют, якія прымяняюцца, напрыклад, у дакументах і паведамленнях міжнародных здзелак. Коды таксама выкарыстоўваюцца ў банкаўскай і камерцыйнай дзейнасці, дзе мэтазгодна называць валюту ў закадзіраванай або скарочанай форме і дакладна яе ідэнтыфікаваць. Гэта звязана з тым, што ў розных валют могуць быць аднолькавыя назвы - напрыклад, долар ЗША, канадскі долар, аўстралійскі долар.

Рашэнне аб правядзенні дэнамінацыі афіцыйнай грашовай адзінкі з 1 ліпеня 2016 года замацавана ўказам ад 4 лістапада нумар 450. Дэнамінацыя будзе праведзена шляхам замены існуючых у обарачэнні банкнотаў узору 2000 года на банкноты і манеты ўзору 2009 года ў суадносінах 10 000 беларускіх рублёў і 1 беларускі рубель. Абмяняць старыя грашовыя знакі на новыя можна будзе з 1 студзеня 2017 года па 31 снежня 2019 года ўключна ў Нацыянальным банку, банках і нябанкаўскіх крэдытна-фінансавых арганізацыях Беларусі. З 1 студзеня 2020 года па 31 снежня 2021-га ўключна старыя грошы на новыя можна будзе абмяняць толькі ў Нацыянальным банку. З 1 студзеня 2022 года грашовыя знакі ўзору 2000 года будуць лічыцца несапраўднымі.

Працэс дэнамінацыі мае тэхнічны характар і не паўплывае на пакупную здольнасць беларускага рубля, курс нацыянальнай валюты адносна замежных валют, а таксама на фактычна існуючы ўзровень інфляцыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс