Падзеі, факты, анонсы

Мужчынская і жаночая каманды Беларусі па тэнісе сталі другімі на Гульнях БРІКС

19 чэрвеня, Мінск /Кар. БЕЛТА/. Беларускія тэнісісты сталі сярэбранымі прызёрамі мужчынскага і жаночага камандных турніраў на Спартыўных гульнях краін БРІКС у Казані, паведамляе карэспандэнт БЕЛТА.

Спаборніцтвы па тэнісе пачаліся ў Казані ў самы першы дзень Гульняў БРІКС і прадоўжыліся тыдзень. На групавым этапе ў мужчын наша зборная ў складзе Эрыка Аруцюняна, Данііла Астапенкава і Міхаіла Дуброўскага атрымала перамогі над камандамі Кыргызстана (3:0), Індыі (3:0) і Пакістана (3:0), у паўфінале беларусы прайшлі Узбекістан (2:0), але ў вырашальнай серыі прайгралі расіянам.

У заліку ў жанчын беларуская зборная ў складзе Эвеліны Ласкевіч, Юліі Перапехінай і Дар'і Хамуцянскай таксама выйшла ў плэй-оф з першага месца ў групе, усухую перамогшы прадстаўніц Пакістана і Ірана. На стадыі адной другой фіналу нашы дзяўчаты разабраліся з Індыяй (2:0), аднак у фінале таксама ўступілі тэнісісткам з Расіі і атрымалі серабро.

версія для друку

зрабіць стартавай

дабавіць у выбранае