Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

29 Снж 2014

"Музей шакаладу" адкрыўся ў Віцебску

29 снежня, Віцебск /Кацярына Князева - БЕЛТА/. У Віцебску адкрыўся "Музей шакаладу", які прадастаўляе выставачную пляцоўку для прэзентацыі магчымасцей беларускіх кандытараў. Аб гэтым карэспандэнту БЕЛТА паведаміла стваральнік музея, член Асацыяцыі наймальнікаў і прадпрымальнікаў Віцебскай вобласці Любоў Іванова.

Музей можа адначасова размяшчаць каля 100 выставачных салодкіх аб'ектаў. Гэта разнастайныя фігуры, выкананыя ў тэхніцы ліцця і больш складаныя, камбінаваныя, а таксама карціны, намаляваныя шакаладам па шакаладзе. Такой незвычайнай тэхнікай валодаюць толькі дзве мастачкі ў рэспубліцы, і абедзве жывуць у Віцебску: член саюза дызайнераў Беларусі Таццяна Голубева і нядаўняя выпускніца Віцебскага дзяржаўнага тэхналагічнага ўніверсітэта Наталля Буяноўская. Астатнія работы выкананы пераважна вучнямі Віцебскага дзяржаўнага політэхнічнага прафесійнага ліцэя, а таксама майстрамі вытворчага навучання Таццянай Есючэнка і Аленай Мураўёвай (кіраўнікі гуртка "Ласун" пры ліцэі) і іншымі кандытарамі. Адны з самых складаных работ выраблены творчым кіраўніком "Музея шакаладу", яго галоўным кандытарам Любоўю Івановай. Гэта адначасова цёзка ініцыятара і кіраўніка музея. Такі незвычайны і плённы атрымаўся творчы дуэт.

Як растлумачыла Любоў Іванова, ідэя стварыць пастаянна дзеючы музей шакаладу прыйшла да яе пасля паспяховага правядзення ў Віцебску выстаўкі з удзелам вядомага шакалацье Нікаля летам гэтага года. Прадпрымальнік вырашыла адкрыць у горадзе своеасаблівую галерэю, якая прадаставіць выставачную пляцоўку для прэзентацыі магчымасцей беларускіх кандытараў. "Мне хацелася, каб больш людзей даведалася, якi цудоўны шакалад робяць у Беларусі і як прыгожа ён можа падавацца. Або аб тым, што 11 студзеня 2015 года беларускаму шакаладу споўніцца 110 гадоў. Усе экспанаты зроблены з айчыннага шакаладу, з яго ж выкананы і інфармацыйныя стэнды музея аб гісторыі гэтага ласунка ў нашай краіне", - растлумачыла Любоў Іванова.

Экспанаты ў такім незвычайным музеі будуць пастаянна замяняць. З лёсам старых работ Любоў Іванова пакуль не вызначылася. Адназначна, есці іх нельга, паколькі выстаўляюцца шакаладныя вырабы ў музеі не пад шклом. Але захоўвацца яны могуць доўга. Вядома, што самай старой у Еўропе шакаладнай фігурцы, выстаўленай у рыжскім музеі шакаладу "Лайма", ужо 120 гадоў.

Як адзначыла Любоў Іванова, у "Музеі шакаладу" таксама будуць праходзіць майстар-класы. А да 11 студзеня запланаваны сюрпрыз. Каб госці музея ўжо з парога маглі атрымаць асалоду ад шакаладнага мастацтва не толькі візуальна, да ўваходнага білета прыкладзена шакаладка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс