Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

9 Mar 2015

Музей мінскага метро можа адкрыцца ў красавіку

9 сакавіка, Мінск /Кар. БЕЛТА/. Музей мінскага метро можа адкрыцца ў красавіку, паведаміў 9 сакавіка журналістам начальнік КУП "Мінскі метрапалітэн" Расціслаў Юрэня, перадае карэспандэнт БЕЛТА.

"Усе будаўнічыя работы ў нашым музеі завершаны, цяпер ідзе папаўненне экспазіцыі. Мабыць, гэта самы працяглы і творчы працэс. Мы пакуль не хочам рабіць з гэтага асаблівай рэкламы. Каб запрашаць наведвальнікаў, патрэбна экспазіцыя, якая створыць найбольш поўнае ўражанне аб метрапалітэне", - сказаў Расціслаў Юрэня. Сярод ужо сабраных экспанатаў - сімвалічныя ключы, фатаграфіі, памятныя медалі, фільмы і кнігі. "Думаю, пройдзе яшчэ месяц, і мы зможам паказаць экспазіцыю дзецям, гасцям горада і іншым жадаючым", - адзначыў начальнік прадпрыемства.

Музей мінскага метро адкрыецца ў галерэі на ўзроўні касавай залы на станцыі "Магілёўская".

Мінскі метрапалітэн адкрыты 30 чэрвеня 1984 года. На долю метро ў Мінску прыпадае амаль 40 працэнтаў гарадскіх перавозак пасажырскім транспартам. У 2014 годзе "Маскоўская" лінія перавезла 56,3 працэнта пасажыраў метро, "Аўтазаводская" - 43,7 працэнта. Абсалютныя лідары па пасажырапатоку - станцыі "Каменная Горка" (66,2 тыс. пасажыраў у суткі), "Плошча Леніна" (65,8 тыс.), "Плошча Я.Коласа" (56,7 тыс.). Самыя малалюдныя - станцыі "Купалаўская" (6 тыс.) і "Першамайская" (9 тыс.).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі