У Беларусь без візы на 30 дзён
Афіцыйны сайт Рэспублікі Беларусь
Лізавета Міснікава прадстаўляе Беларусь на дзіцячым
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

30 Ліп 2018

Музей Дастаеўскага падрыхтаваў экскурсіі для гасцей Дня беларускага пісьменства

30 ліпеня, Брэст /Кар. БЕЛТА/. Музей Дастаеўскага ў Іванаўскім раёне падрыхтаваў экскурсіі для гасцей Дня беларускага пісьменства, паведаміла карэспандэнту БЕЛТА дырэктар музея Валянціна Пуцыковіч.

Нягледзячы на тое, што музей у аграгарадку Дастоева не задзейнічаны ў якасці пляцоўкі мерапрыемстваў рэспубліканскага свята, без увагі гэты ўнікальны аб'ект не застанецца. У чаканні гасцей і ўдзельнікаў Дня пісьменства тут распрацавалі новыя тэматычныя экскурсіі: "Дастоева і Дастаеўскія", "Род з Дастоева", "Дастаеўскі: спадчына і спадчыннікі", "Тэма граху і пакаяння ў творчасці Дастаеўскага" і іншыя. Акрамя экскурсіі па музеі, госці змогуць пабываць ля памятнага знака на месцы былой сядзібы роду Дастаеўскіх.

Акрамя таго, да Дня пісьменства падрыхтавана экспазіцыя "Пісьменнікі Іванаўшчыны", выстаўка лепшых школьных сачыненняў на тэму "Мой Дастаеўскі". Таксама ў планах - вечар памяці і выстаўка маляўнічых работ першага дырэктара і стваральніка музея, энтузіяста-краязнаўца Анатоля Бурака. "Задумак шмат, мы працуем над гэтым практычна на працягу года. Упэўнена, што наведванне музея не расчаруе гасцей рэспубліканскага свята", - адзначыла Валянціна Пуцыковіч.

Літаратурна-краязнаўчы музей імя Ф.М. Дастаеўскага ў сярэдняй школе аграгарадка Дастоева быў адкрыты ў 1982 годзе. Штогод яго наведваюць каля 3 тыс. чалавек. Сярод наведвальнікаў нямала расіян. У прыватнасці, вялікай папулярнасцю музей, як турыстычны аб'ект, карыстаецца ў пасажыраў круізнага цеплахода "Белая Русь". Паводле слоў субяседніцы, за сезон музей наведваюць каля 700 расійскіх турыстаў.

Цяпер фонды школьнага музея налічваюць больш за 3 тыс. экспанатаў, сярод іх нямала артэфактаў. Да найбольш каштоўных прадметаў можна аднесці сапраўдныя картаграфічныя матэрыялы другой палавіны XIX - пачатку XX стагоддзяў, падарожную кнігу манаха Кіева-Пячэрскай лаўры XVII стагоддзя. У экспазіцыі музея можна ўбачыць прыжыццёвую фатаграфію Ф.М. Дастаеўскага, датаваную 1878 годам, біяграфію пісьменніка ад 1891 года ў выдавецтве Паўленкава, выдадзены ў 1912 годзе раман "Бедныя людзі", а таксама творы пісьменніка на розных мовах, унікальныя архіўныя матэрыялы аб прадстаўніках роду Дастаеўскіх.

"Многія артэфакты нам перадалі сваякі пісьменніка, з якімі музей падтрымлівае цесныя адносіны. Ад Еўразійскай эканамічнай камісіі атрымалі цудоўны падарунак - поўны збор твораў Ф.М. Дастаеўскага ў 20 тамах", - расказала дырэктар.

Юбілейны XХV Дзень беларускага пісьменства пройдзе ў Іванаве 2 верасня і будзе прысвечаны тэме "Мая малая радзіма".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс