У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Кст 2016

Мультфільмы з 34 краін прымуць удзел у конкурснай праграме "Анімаёўкі"

19 кастрычніка, Магілёў /Сяргей Кулягін - БЕЛТА/. Мультфільмы з 34 краін прымуць удзел у конкурснай праграме міжнароднага фестывалю анімацыйных фільмаў "Анімаёўка-2016", які пройдзе ў Магілёве 27-30 кастрычніка. Аб гэтым паведамілі карэспандэнту БЕЛТА ў аргкамітэце фестывалю.

Экспертная камісія фестывалю адабрала для ўдзелу ў конкурснай праграме 103 анімацыйныя фільмы. Упершыню для ўдзелу ў конкурсе заяўлены прадстаўнікі Венесуэлы, Кіпра, Македоніі, Фінляндыі, Харватыі. Гэта работы ў самых розных жанрах, тэхніках і на розныя тэмы - ад забаўных прыгод і іскрамётнага гумару да роздумаў аб сэнсе жыцця, тэмы вайны і міру. Беларусь у конкурсе будзе прадстаўлена некалькімі анімацыйнымі фільмамі кінастудыі "Беларусьфільм".

Усе фільмы будуць прагледжаны прадстаўнічым міжнародным журы, якое ўзначаліць заслужаны дзеяч мастацтваў Расіі Леанід Носыраў. Пераможцаў узнагародзяць дыпломамі і прызам "Вялікі хрустальны аловак" па 6 намінацыях: "Лепшы фільм фестывалю" (Гран-пры), "Лепшы фільм для дзяцей", "Лепшы эксперыментальны фільм", "Лепшае мастацкае рашэнне", "Лепшы дэбют" і "Майстру".

Таксама пройдуць конкурсы для дзяцей. Па выніках конкурсу дзіцячай анімацыйнай творчасці пераможцам уручаць дыпломы і прыз "Малы хрустальны аловак", пераможцаў конкурсу дзіцячай выяўленчай і дэкаратыўна-прыкладной творчасці чакаюць дыпломы і каштоўныя падарункі.

Усяго ў гэтым годзе на анімацыйным форуме будзе прадстаўлены 381 фільм з 45 краін. У праграме фестывалю паказы фільмаў для дзяцей і дарослых. Магіляўчане, якія цікавяцца анімацыяй, змогуць прыняць удзел у майстар-класах. Запланаваны таксама творчыя сустрэчы, тэматычныя мерапрыемствы, прэзентацыі і выставы. Напрыклад, у Магілёве і Бабруйску пройдзе творчая сустрэча з таленавітым спеваком, акцёрам дубляжу Валерыем Панковым.

Арганізатарамі фестывалю выступаюць Міністэрства культуры Беларусі, Магілёўскі абласны выканаўчы камітэт.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску