У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

29 Крс 2016

Мірны і Х'юі прабіліся ў паўфінал тэніснага турніру ў Эштарылі

29 красавіка, Мінск /Кар. БЕЛТА/. Беларус Максім Мірны і філіпінец Трэт Х'юі выйшлі ў паўфінал парнага разраду на тэнісным турніры ў партугальскім Эштарылі (прызавы фонд - 463 тыс. еўра), паведамляе карэспандэнт БЕЛТА.

Беларуска-філіпінскі тандэм у чвэрцьфінальным матчы яшчэ з адным інтэрнацыянальным дуэтам Кайл Эдмунд (Вялікабрытанія) / Фрэдэрыка Ферэйра Сілва (Партугалія) атрымалі перамогу ў двух сэтах з аднолькавым лікам 6:4. У стартавай сустрэчы Мірны і Х'юі, пасеяныя пад другім нумарам, упэўнена перайгралі італьянскую пару Томас Фабіяна / Паола Ларэнці - 6:2, 6:3.

У суботу, 30 красавіка, Мірны і Х'юі згуляюць у паўфінале з амерыканскім тандэмам Скот Ліпскі / Эрык Бутарак. У другім паўфінальным матчы польскія тэнісісты Марцін Маткоўскі і Лукаш Кубат сустрэнуцца з харвацкім дуэтам Борна Чорыч / Франка Скугар.

Сёння на адкрытых грунтавых кортах Эштарыла пройдуць чвэрцьфінальныя паядынкі адзіночнага разраду: Бенуа Пер (Францыя) - Гільерма Гарсія-Лопес (Іспанія), Леанарда Маер (Аргенціна) - Нікалас Альмагра (Іспанія), Борна Чорыч (Харватыя) - Нік Кіргіяс (Аўстралія), Жыль Сімон (Францыя) - Пабла Карэнья Буста (Іспанія).

Фінальныя матчы ў адзіночным і парным разрадах пройдуць на адкрытых грунтавых кортах Эштарыла 1 мая.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс