Падзеі, факты, анонсы

Міністэрства аховы здароўя заклікае ўстрымацца ад замежных паездак у рэгіёны з непаспяховай эпідабстаноўкай па COVID-19

Фота з архiва

22 ліпеня, Мінск /Кар. БЕЛТА/. Міністэрства аховы здароўя заклікае грамадзян устрымацца ад замежных паездак у рэгіёны з непаспяховай эпідабстаноўкай адносна каранавіруса. Такую інфармацыю Міністэрства аховы здароўя апублікавала ў сваім Telegram-канале, паведамляе БЕЛТА.

"У сувязі са шматлікімі запытамі СМІ інфармуем, што агучаныя ЦВК даныя датычацца асоб, якія на сённяшні дзень знаходзяцца пад усімі відамі медыцынскага нагляду. У гэту групу ўваходзяць інфіцыраваныя COVID-19 пацыенты (у тым ліку тыя, хто знаходзіцца ў стацыянарах), кантакты першага ўзроўню (якія не хварэюць, але знаходзяцца на дамашнім каранціне, паколькі могуць быць пераносчыкамі захворвання), кантакты другога ўзроўню і яшчэ адна група - грамадзяне, якія вярнуліся з краін з нестабільнай эпідабстаноўкай", - адзначылі ў міністэрстве.

Міністэрства аховы здароўя чарговы раз заклікае грамадзян устрымацца ад выездаў за межы Беларусі ў рэгіёны з нестабільнай эпідабстаноўкай па COVID-19. "З пачаткам летняга аздараўленчага сезона павялічылася колькасць асоб, якім пасля вяртання неабходна знаходзіцца пад медыцынскім наглядам у сувязі з тым, што яны наведалі краіны, у якіх усё яшчэ актыўна рэгіструюцца выпадкі каранавіруса", - падкрэслілі ў Міністэрстве аховы здароўя.

версія для друку

зрабіць стартавай

дабавіць у выбранае