Падзеі, факты, анонсы

Міністэрства аховы здароўя аргументавала прымаемыя ў Беларусі меры супраць каранавіруса

Фота з архiва

16 сакавіка, Мінск /Кар. БЕЛТА/. Міністэрства аховы здароўя Беларусі ў сваім Telegram-канале абгрунтавала прымаемыя ў Беларусі меры супраць распаўсюджвання каранавіруснай інфекцыі, паведамляе БЕЛТА.

Міністэрства аховы здароўя выказвае сумненне, што закрыццё граніцы Беларусі здольна гарантавана прадухіліць завоз каранавіруснай інфекцыі ў краіну. Ніводная дзяржава, якая прымяніла гэту абмежавальную меру, не забараніла ўезд сваім грамадзянам. Між тым, гэта, як правіла, асноўны шлях пранікнення інфекцыі. "З 8 завезеных выпадкаў каранавіруснай інфекцыі ў нашай краіне 7 было выяўлена менавіта ў беларускіх грамадзян, якія вярнуліся на радзіму з-за мяжы", - нагадалі ў міністэрстве.

Закрыццё дзіцячых садоў і пачатковай школы больш разумна ў сувязі з іншымі віруснымі інфекцыямі, уздым захваральнасці на якія назіраецца на гэты час. "Таксама вядома, што пасля закрыцця дашкольных і школьных устаноў малалетнія дзеці, бацькі якіх як правіла працуюць, наўрад ці будуць адны дома. Хутчэй за ўсё яны будуць знаходзіцца пад наглядам бабуль і дзядуль. А састарэлыя людзі якраз і з'яўляюцца найбольш слабаабароненай групай, маючай самую высокую рызыку развіцця цяжкіх ускладненняў вірусных інфекцый (грып, парагрып, адэнавірус, адзёр, пнеўманіі)", - падкрэслілі ў Міністэрстве аховы здароўя.

Пазіцыя міністэрства наконт спынення вочнага навучання ва ўніверсітэтах, ССНУ, старшай школе таксама негатыўная. Няма гарантыі, што маладыя людзі, будучы на дыстанцыйным навучанні, не прадоўжаць цесна ўзаемадзейнічаць паміж сабой.

І ў цэлым, на погляд медыкаў, значна важней за абмежавальныя меры асабістыя адказныя адносіны саміх людзей да свайго здароўя і свайго асяроддзя, элементарныя нормы бяспекі, рэкамендаваныя тым, хто вяртаецца з-за мяжы, выкананне правіл асабістай гігіены і рэспіраторнага этыкету. Напрыклад, ні ў якім разе нельга ўтойваць факты наведвання эпідэмічна нестабільных краін, праходзіць міма арганізаваных пунктаў санэпідкантролю. Тым не менш, не ўсе грамадзяне праяўляюць у гэтым сэнсе сваю свядомасць.

"Усе пацыенты знаходзяцца ў здавальняючым стане, за выключэннем аднаго, які позна звярнуўся, - яго стан сярэдняй ступені цяжкасці са станоўчай дынамікай. Некаторыя з пацыентаў ужо выпісаны, частка рыхтуецца да выпіскі, за астатнімі прадаўжаецца назіранне і стан іх здароўя трывогі не выклікае", - запэўнілі ў Міністэрстве аховы здароўя.

Пры гэтым у міністэрстве падкрэслілі, што сёння ў Беларусі лечацца некалькі соцень пацыентаў з запаленнем лёгкіх, але толькі ў аднаго з іх прычынай стаў каранавірус і позні зварот па дапамогу. "У 64 чалавек захворванне праходзіць у цяжкай форме, але ні ў каго з гэтых пацыентаў няма COVID-19. З-за пнеўманіі 34 пацыентам праводзіцца штучная вентыляцыя лёгкіх - і ва ўсіх іх адсутнічае каранавірусная інфекцыя. Як, дарэчы, і ў таго пацыента, пра смерць якога ўчора паспяшаліся паведаміць СМІ. Пацыент не толькі жывы, але і мае станоўчую дынаміку ад лячэння і не заражаны каранавірусам", - паведамілі на заканчэнне ў Міністэрстве аховы здароўя.

версія для друку

зрабіць стартавай

дабавіць у выбранае