Падзеі, факты, анонсы

5 чэрвеня, Мінск /Кар. БЕЛТА/. Мінск у 2017 годзе прыме маладзёжны (U-23) чэмпіянат Еўропы па фехтаванні, паведамілі БЕЛТА ў прэс-службе Міністэрства спорту і турызму Беларусі.

"Першы намеснік міністра спорту і турызму, старшыня Беларускай федэрацыі фехтавання Аляксандр Гагіеў прымае ўдзел у пасяджэнні кангрэса Міжнароднай федэрацыі фехтавання (FIE), які праходзіць у швейцарскім Монтры. Ён паведаміў, што заяўка Беларусі на правядзенне маладзёжнага чэмпіянату Еўропы была падтрымана аднагалосна", - адзначылі ў прэс-службе спартыўнага ведамства.