10 студзеня, Мінск /Кар. БЕЛТА/. Другі міжнародны фестываль кароткаметражных фільмаў Cinema Perpetuum Mobile пройдзе ў Мінску з 12 па 20 студзеня. Аб гэтым БЕЛТА паведамілі арганізатары мерапрыемства.
Праграма кінафоруму вельмі разнастайная - 300 фільмаў з 41 краіны. Яны будуць прадстаўлены ў сямі секцыях: ігравыя і дакументальныя стужкі, анімацыя і відэаарт, эксперыментальныя, музычныя фільмы, экалагічныя і дзіцяча-юнацкія карціны.
З навінкамі кінарынку змогуць азнаёміцца не толькі мінчане і госці сталіцы, але і жыхары абласных цэнтраў і іншых буйных гарадоў Беларусі: Брэста, Віцебска, Гомеля, Гродна, Ліды, Мазыра, Наваполацка, Салігорска. У той жа час паказы міжнароднай праграмы адбудуцца ў 16 краінах свету.
Першы штогадовы міжнародны кінафестываль кароткаметражнага кіно прайшоў у Мінску ў студзені 2012 года. На конкурс было прыслана 190 аўтарскіх фільмаў з 30 краін. Знакамітае журы выбірала лепшыя фільмы ў некалькіх намінацыях. Паказы сабралі шырокую зацікаўленую аўдыторыю і атрымалі рэзананс у прэсе.
Пн | Аўт | Сер | Чцв | Пт | Сб | Нядз |
---|